ମନ୍ଥର ବୋଲିଂ ପାଇଁ ମୁମ୍ବାଇ ଇଣ୍ଡିଆନ୍ସ ଅଧିନାୟକଙ୍କୁ ୧୨ ଲକ୍ଷ ଟଙ୍କା ଜରିମାନା

Apr 22, 2021 - 07:28 Updated: Apr 22, 2021 - 07:28

6396

ଚେନ୍ନାଇ: ମନ୍ଥର ବୋଲିଂ ପାଇଁ ମୁମ୍ବାଇ ଇଣ୍ଡିଆନ୍ସ ଅଧିନାୟକଙ୍କୁ ୧୨ ଲକ୍ଷ ଟଙ୍କା ଜରିମାନା ହୋଇଛି । ଦିଲ୍ଲୀ କ୍ୟାପିଟାଲ୍ସ ବିପକ୍ଷ ସୋମବାର ମ୍ୟାଚରେ ରୋହିତଙ୍କ ଦଳ ନିର୍ଦ୍ଧାରିତ ସମୟରେ ଗୋଟିଏ ଓଭର କମ ବୋଲିଂ କରିଥିଲା । ଏହି ମ୍ୟାଚକୁ ମଧ୍ୟ ମୁମ୍ବାଇ ୬ ୱିକେଟରେ ହାରିଥିଲା । ଆଇପିଏଲର ଚଳିତ ସଂସ୍କରଣରେ ମୁମ୍ବାଇର ଏହା ପ୍ରଥମ ଅପରାଧ । ଆଇପିଏଲ ନିୟମାବଳୀ ଅନୁଯାୟୀ ପ୍ରଥମ ଅପରାଧ ପାଇଁ ଦଳର ଅଧିନାୟକଙ୍କୁ ୧୨ ଲକ୍ଷ ଟଙ୍କା ଜରିମାନା ରହିଛି । ଯଦି ଦୁଇ ଥର ଏଭଳି ହୁଏ ଅଧିନାୟକଙ୍କୁ ଦୁଇଗୁଣା (୨୪ ଲକ୍ଷ) ଏବଂ ଚୁଡାନ୍ତ ଏକାଦଶରେ ଥିବା ସମସ୍ତ ଖେଳାଳିଙ୍କ ମ୍ୟାଚ ପାଉଣାରୁ ୨୫ ପ୍ରତିଶତ କିମ୍ବା ୬ ଲକ୍ଷ ଟଙ୍କା (ଏହା ମଧ୍ୟରୁ ଯାହା କମ) ଜରିମାନା ରହିଛି । ଯଦି ଗୋଟିଏ ସଂସ୍କରଣରେ ୩ ଥର ଅପରାଧ ହୁଏ ତେବେ ଅଧିନାୟକଙ୍କୁ ୩୦ ଲକ୍ଷ ଜରିମାନା ଏବଂ ଗୋଟିଏ ମ୍ୟାଚକୁ ବାସନ୍ଦ ବ୍ୟବସ୍ଥା ରହିଛି । ଏଥିସହ ଦଳର ସଦସ୍ୟମାନଙ୍କୁ ୧୨ ଲକ୍ଷ କିମ୍ବା ମ୍ୟାଚ ପାଉଣାର ୫୦ ପ୍ରତିଶତ (ଏହା ମଧ୍ୟରୁ ଯାହା କମ) ଜରିମାନା ମଧ୍ୟ ହେବ ।