ମୟଙ୍କଙ୍କୁ ଟେଷ୍ଟ ଓପନର ବାଛିଲେ ସଚିନ

Nov 26, 2020 - 09:35 Updated: Nov 26, 2020 - 09:35

5941

ମୁମ୍ବାଇ: ମୟଙ୍କ ଅଗ୍ରୱାଲ ପ୍ରଥମ ଥର ସମସ୍ତ ଫର୍ମାଟ ଲାଗି ବିଦେଶ ଗସ୍ତରେ ଯାଇଛନ୍ତି । ଆଇପିଏଲ ପ୍ରଦର୍ଶନ ତାଙ୍କୁ ଏହି ସୁଯୋଗ ଦେଇଛି । କିଙ୍ଗସ ଇଲେଭେନ ପଞ୍ଜାବ ପକ୍ଷରୁ ଖେଳୁଥିବା ମୟଙ୍କ ୧୧ ମ୍ୟାଚରୁ ୧୫୬.୪୫ ଷ୍ଟ୍ରାଇକ ରେଡରେ ୪୨୪ ରନ କରିଥିଲେ । ଆଇପିଏଲରେ ତାଙ୍କ ଓ କେଏଲ ରାହୁଲଙ୍କ ଓପନିଂ ଯୋଡ଼ି ଶ୍ରେଷ୍ଠ ଥିଲା । ଅଷ୍ଟ୍ରେଲିଆ ବିପକ୍ଷ ସୀମିତ ଓଭର ପର୍ଯ୍ୟାୟରେ ଓପନିଂ ସ୍ଥାନ ପାଇଁ ସେ କିନ୍ତୁ ରାହୁଲ ଓ ଶୁବମନ ଗିଲଙ୍କ ସହ ପ୍ରତିଦ୍ୱନ୍ଦ୍ୱିତା କରିବେ । ହେଲେ ଟେଷ୍ଟରେ ମୟଙ୍କ ନିଶ୍ଚିତ ଓପନିଂ କରିବା ଉଚିତ ବୋଲି କିମ୍ବଦନ୍ତୀ ଭାରତୀୟ କ୍ରିକେଟର ସଚିନ ତେନ୍ଦୁଲକର କହିଛନ୍ତି । ମୁଁ ଜାଣିଛି ମୟଙ୍କ ବଡ଼ ସ୍କୋର କରୁଥିବାରୁ ନିଶ୍ଚିତ ସେ ପାଳି ଆରମ୍ଭ କରିବେ ଏବଂ ଯଦି ରୋହିତ ଶର୍ମା ଫିଟ ଥିବେ ସେ ବି ଏହି ସ୍ଥାନରେ ଖେଳିବେ । ପୃଥ୍ୱୀ ସ’ ଓ ରାହୁଲଙ୍କ ମଧ୍ୟରୁ କାହାକୁ ଖେଳାଯିବ ତାହା ମ୍ୟାନେଜମେଣ୍ଟ ନିଷ୍ପତ୍ତି ନେବ । ସେମାନେ ଜାଣିଛନ୍ତି କିଏ ଫର୍ମରେ ଅଛି ବୋଲି ଏକ ସାକ୍ଷାତକାରରେ ତେନ୍ଦୁଲକର କହିଛନ୍ତି ।