ହାତୀ ଆକ୍ରମଣରେ ୧ ମୃତ
ହାତୀ ଆକ୍ରମଣରେ ୧ ମୃତ
admin
4971
ଦେବଗଡ଼ : ଦେବଗଡ଼ର ରିଆମାଳ ଥାନା ତଥା ରିଆମାଳ ଫରେଷ୍ଟ ରେଞ୍ଜ ଅନ୍ତର୍ଗତ କଣ୍ଟାବାହଳ ପଞ୍ଚାୟତର ଶୁଣ୍ଢୀନାଳି ଗ୍ରାମରେ ସୋମବାର ହାତୀ ଆକ୍ରମଣରେ ଜଣେ ବୃଦ୍ଧଙ୍କର ମୃତ୍ୟୁ ହୋଇଥିବା ବେଳେ ଜଣେ ମହିଳା ଗୁରୁତର ହୋଇଛନ୍ତି। ମୃତକ ହେଲେ ବଡ଼କୁଦର ଗ୍ରାମର ସାନିଆ ବିରୁଆ (୬୫)। ସାନିଆ ଗ୍ରାମ ନିକଟସ୍ଥ ବିଲକୁ ଶୌଚ ପାଇଁ ଯାଇଥିଲେ। ଏହି ସମୟରେ ଏକ ଦନ୍ତା ହାତୀ ଆକ୍ରମଣର ଶିକାର ହୋଇଥିଲେ। ହାତୀଟି ତାଙ୍କୁ ପାଦରେ ଦଳି ଦେବାରୁ ଫଳରେ ସାନିଆଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି।
ସେହିପରି ଉକ୍ତ ଗ୍ରାମର ବସନ୍ତ ସାହୁଙ୍କ ପତ୍ନୀ ସୀତା ସାହୁ (୫୦) । ସକାଳେ ଶୌଚ ପାଇଁ ନିକଟସ୍ଥ ବିଲକୁ ଯାଇଥିବା ସମୟରେ ସେହି ଦନ୍ତା ହାତୀଟି ତାଙ୍କୁ ଆକ୍ରମଣ କରିଥିଲା। ଫଳରେ ସେ ଗୁରୁତର ଆହତ ହୋଇଛନ୍ତି। ଗ୍ରାମବାସୀଙ୍କ ପାଟି ଶୁଣି ହାତୀଟି ପଳାଇଥିଲା। ଏହାପରେ ସୀତାଙ୍କୁ ଗୁରୁତର ଅବସ୍ଥାରେ ପରିବାର ଲୋକେ ଉଦ୍ଧାର କରି ଦେବଗଡ଼ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ଡ଼ାକ୍ତର ତାଙ୍କୁ ବୁର୍ଲା ଡ଼ାକ୍ତରଖାନାକୁ ପଠାଇଥିବା ଜଣାପଡ଼ିଛି।
