୬ ବର୍ଷର ନାବାଳିକାଙ୍କୁ ବଳାତ୍କାର

Nov 22, 2019 - 06:04 Updated: Nov 22, 2019 - 06:04

1792

କଟକ: କଟକ ଜିଲାର ସାଲେପୁର ଅନ୍ତର୍ଗତ ନେମାଳ ଥାନା ଅଞ୍ଚଳରେ ଜଣେ ୬ବର୍ଷର ନାବାଳିକାଙ୍କୁ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ନାବାଳିକା ଜଣକ ପରିବାର ଲୋକଙ୍କ ସହିତ ପାଖ ଗାଁକୁ ଯାତ୍ରା ଦେଖିବା ଲାଗି ଯାଇଥିବାବେଳେ ବଳାତ୍କାରର ଶିକାର ହୋଇଥିବା ଜଣାପଡ଼ିଛି। ତେବେ ସମ୍ପୃକ୍ତ ଅଞ୍ଚଳରେ ପଡ଼ିଥିବା ଏକ ଯାତ୍ରାପାର୍ଟିର କେହି ଜଣେ ବ୍ୟକ୍ତି ତାଙ୍କୁ ବଳାତ୍କାର କରିଥିବା ପରିବାର ଲୋକେ ଏବଂ ସ୍ଥାନୀୟ ଗ୍ରାମବାସୀ ଅଭିଯୋଗ କରିଛନ୍ତି। ଅଭିଯୋଗ ମିଳିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି। ଯେଉଁସ୍ଥାନରେ ଯାତ୍ରାପାର୍ଟି ପଡ଼ିଥିଲା ପୁଲିସ ସେଠାକୁ ଯାଇ ଯାତ୍ରାପାର୍ଟି କର୍ମଚାରୀଙ୍କୁ ପଚରାଉଚରା କରିଛି। ଏପରି କି ଯାତ୍ରା ଶେଷ ହୋଇଥିଲେ ମଧ୍ୟ ଯାତ୍ରାପାର୍ଟିର କୌଣସି ବ୍ୟକ୍ତିଙ୍କୁ ପୁଲିସ ଛାଡ଼ିନାହିଁ। ପୀଡ଼ିତା ନାବାଳିକାଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି।