ଟିଏମସିରେ ଯୋଗେ ଦେଲେ ଯଶବନ୍ତ ସିହ୍ନା

Mar 13, 2021 - 08:59 Updated: Mar 13, 2021 - 08:59

5512

କଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ପୂର୍ବରୁ ବିଜେପିର ଜଣେ ପୂର୍ବତନ ବରିଷ୍ଠ ନେତା ଟିଏମସିକୁ ଡିଆଁ ମାରିଛନ୍ତି । ସେ ହେଲେ ପୂର୍ବତନ କେନ୍ଦ୍ରମନ୍ତ୍ରୀ ଯଶବନ୍ତ ସିହ୍ନା। ଶନିବାର ଯଶବନ୍ତ ଟିଏମସିରେ ଯୋଗଦେଇଛନ୍ତି । ଶନିବାର କଲକାତାସ୍ଥିତ ତୃଣମୂଳ ଭବନରେ ଯଶବନ୍ତ ଦଳରେ ସାମିଲ ହୋଇଥିଲେ। ଟିଏମସିରେ ଯୋଗଦେବା ପରେ ଯଶବନ୍ତ କହିଛନ୍ତି, ଦେଶ ଏବେ ଏକ ଅପ୍ରୀତିକର ପରିସ୍ଥିତିର ସାମ୍ନା କରୁଛି । ଗଣତନ୍ତ୍ରର ଶକ୍ତି ଗଣତନ୍ତ୍ରରେ ରହିଥିବା ଅନୁଷ୍ଠାନଗୁଡ଼ିକର ଶକ୍ତିରେ ନିହିତ ରହିଛି । ନ୍ୟାୟାଳୟ ସମେତ ଏସବୁ ଅନୁଷ୍ଠାନଗୁଡ଼ିକ ବର୍ତ୍ତମାନ ଦୁର୍ବଳ ହୋଇଯାଇଛି । ତେବେ ଯଶବନ୍ତ ଟିଏମସିରେ ଯୋଗଦେବା ପୂର୍ବରୁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ତାଙ୍କ ବାସଭବନରେ ଭେଟିଥିଲେ । ୨୦୧୮ ମସିହାରେ ପୂର୍ବତନ କେନ୍ଦ୍ରମନ୍ତ୍ରୀ ଯଶବନ୍ତ ସିହ୍ନା ବିଜେପି ହାତ ଛାଡ଼ିଥିଲେ । ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସମୟରେ ସେ ଅର୍ଥମନ୍ତ୍ରୀ ରହିଥିଲେ ।