ଅପ୍ରେଲ ୫ରୁ ୧୬ ପର୍ଯ୍ୟନ୍ତ ବିଶାଳ ଆର୍ମି ନିଯୁକ୍ତି ମେଳା
ଅପ୍ରେଲ ୫ରୁ ୧୬ ପର୍ଯ୍ୟନ୍ତ ବିଶାଳ ଆର୍ମି ନିଯୁକ୍ତି ମେଳା
admin
4139
ଭୁବନେଶ୍ୱର : ଆସନ୍ତା ଅପ୍ରେଲ ୫ ତାରିଖରୁ ୧୬ ତାରିଖ ପର୍ଯ୍ୟନ୍ତ ପାରାଦୀପସ୍ଥିତ ଗୋପବନ୍ଧୁ ଷ୍ଟାଡିୟମଠାରେ ବିଶାଳ ଆର୍ମି ନିଯୁକ୍ତି ମେଳା ଆୟୋଜିତ ହେବ । ୧୦ଟି ଜିଲ୍ଲା ଯଥା କଟକ, ମୟୂରଭଞ୍ଜ, କେନ୍ଦ୍ରାପଡ଼ା, ଜଗତସିଂହପୁର, ନୟାଗଡ଼, ବାଲେଶ୍ୱର, ଖୋର୍ଦ୍ଧା, ଯାଜପୁର, ପୁରୀ ଓ ଭଦ୍ରକ ଜିଲ୍ଲାର ଇଚ୍ଛୁକ ପ୍ରାର୍ଥୀମାନେ ଏହି ନିଯୁକ୍ତି ମେଳାରେ ଅଂଶଗ୍ରହଣ କରିପାରିବେ । ଇଚ୍ଛୁକ ପ୍ରାର୍ଥୀମାନେ ନିଯୁକ୍ତି ମେଳାରେ ଭାଗ ନେବା ପାଇଁ ଅନଲାଇନ୍ ଯୋଗେ ଆବେଦନ କରିବେ । ପ୍ରାର୍ଥୀମାନେ www.joinindianarmy.nic.in ୱେବସାଇଟରେ ନିଜର ନାମ ପ୍ରଥମେ ପଞ୍ଜୀକୃତ କରିପାରିବେ । ଫେବ୍ରୁଆରି ୮ ତାରିଖରୁ ମାର୍ଚ୍ଚ ୨୩ ତାରିଖ ଭିତରେ ଏହି ପଞ୍ଜୀକରଣ ପ୍ରକ୍ରିୟା ଚାଲୁ ରହିବ ବୋଲି ଆର୍ମି ପକ୍ଷରୁ ଜଣାଇ ଦିଆଯାଇଛି ।
ଏହି ଆର୍ମି ନିଯୁକ୍ତି ମେଳାରେ ପ୍ରାର୍ଥୀ ଚୟନ ପ୍ରକ୍ରିୟା ସମ୍ପୂର୍ଣ୍ଣ ସ୍ୱଚ୍ଛତାର ସହ ଅଟୋମେଟିକ୍ ପଦ୍ଧତିରେ ପରିଚାଳିତ ହେବ । ପରୀକ୍ଷାରେ ଲିଖିତ, ଶାରୀରିକ ଓ ମେଡିକାଲ୍ ଟେଷ୍ଟରେ କୌଣସି ମଧ୍ୟସ୍ଥି ସହାୟତା କରିପାରିବେ ନାହିଁ । ତେଣୁ ଦଲାଲ, ଟାଉଟର ବା ମଧ୍ୟସ୍ଥିଙ୍କ ପ୍ରଲୋଭନରେ ନ ପଡ଼ିବା ପାଇଁ ନିଦେ୍ର୍ଧଶକ (ନିଯୁକ୍ତି) କର୍ଣ୍ଣେଲ ଆଶିଷ ମୋହନ ତ୍ରିଖା ସୂଚନା ଦେଇଛନ୍ତି । ଅଧିକରୁ ଅଧିକ ଓଡ଼ିଆ ପିଲାମାନେ ଏହି ମେଳାରେ ଭାଗ ନେଇ ଆର୍ମିରେ ନିଯୁକ୍ତି ପାଇବା ପାଇଁ କର୍ଣ୍ଣେଲ ତ୍ରିଖା ଜଣାଇଛନ୍ତି ।
