ଅଭିନନ୍ଦନ ଜଣାଇ ନୀତୀଶଙ୍କୁ କଟାକ୍ଷ କଲେ ଚିରାଗ
ଅଭିନନ୍ଦନ ଜଣାଇ ନୀତୀଶଙ୍କୁ କଟାକ୍ଷ କଲେ ଚିରାଗ
admin
3633
ପାଟନା: ଏଲଜେପି ସଭାପତି ଚିରାଗ ପାଶ୍ୱାନ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଅଭିନନ୍ଦନ ଜଣାଇବା ସହ କଟାକ୍ଷ କରିଛନ୍ତି । ରାଜ୍ୟରେ ନୀତୀଶଙ୍କୁ କ୍ଷମତାରୁ ହଟାଇବା ଦାବିରେ ଏନଡିଏ ଛାଡ଼ିଥିବା ଏଲଜେପି ସଭାପତି ପାଶ୍ୱାନ ବିଜେପିକୁ ମଧ୍ୟ ଅଭିନନ୍ଦନ ଜଣାଇଛନ୍ତି । ଚିରାଗ କହିଛନ୍ତି, ପୁନର୍ବାର ମୁଖ୍ୟମନ୍ତ୍ରୀ ହୋଇଥିବାରୁ ନୀତୀଶଙ୍କୁ ଅଭିନନ୍ଦନ । ମୁଁ ଆଶା କରୁଛି ଯେ, ସରକାର ଏହାର ସମ୍ପୂର୍ଣ୍ଣ କାର୍ଯ୍ୟକାଳ ଶେଷ କରିବ ଏବଂ ଆପଣ ଏନଡିଏର ମୁଖ୍ୟମନ୍ତ୍ରୀ ରହିବେ । ରାଜ୍ୟପାଳ ଫାଗୁ ଚୌହାନ ନୀତୀଶ କୁମାରଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇବାର କିଛି ସମୟ ପରେ ଚିରାଗ ଏକ ଟ୍ୱିଟ କରି ନୀତୀଶଙ୍କୁ ଅଭିନନ୍ଦନ ଜଣାଇବା ସହ ଏଭଳି କଟାକ୍ଷ କରିଛନ୍ତି । ପାଶ୍ୱାନ କହିଛନ୍ତ ୬୯ ବର୍ଷୀୟ ମଖ୍ୟମନ୍ତ୍ରୀ ନୀତୀଶଙ୍କ ପାଖକୁ ସେ ଏଲଜେପି ଇସ୍ତାହାରର ଏକ କପି ପଠାଇଛନ୍ତି ।
