ଅସଲ ଅପରାଧୀକୁ ଖସାଇବାକୁ ଏସଆଇଟି ଲାଗିଛି : ଲେଖାଶ୍ରୀ
ଅସଲ ଅପରାଧୀକୁ ଖସାଇବାକୁ ଏସଆଇଟି ଲାଗିଛି : ଲେଖାଶ୍ରୀ
admin
3184
ଭୁବନେଶ୍ୱର: ନୟାଗଡ଼ର ବହୁ ଚର୍ଚ୍ଚିତ ପରୀ ହତ୍ୟା ଘଟଣାକୁ ନେଇ ଏସଆଇଟି କାହାଣୀ ରଚିଛି । ଏଭଳି କହିଛନ୍ତି ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର । ପରୀ ହତ୍ୟା ମାମଲାର ଅଭିଯୁକ୍ତଙ୍କ ଭିଡିଓ ଭାଇରାଲ ଘଟଣାକୁ ନେଇ ଲେଖାଶ୍ରୀ ଏଭଳି କହିଛନ୍ତି ।
ଏନେଇ ଆଜି ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଲେଖାଶ୍ରୀ ଏସଆଇଟି ଆଡ଼କୁ ଅଙ୍ଗୁଳି ନିଦେ୍ର୍ଧଶ କରି କହିଛନ୍ତି ଯେ, ଏସଆଇଟି ବନ୍ଦ ଲଫାପାରେ ଚାର୍ଜସିଟ ଦାଖଲ କରିଥିବାବେଳେ ଭିଡିଓ ଭାଇରାଲ ହେଲା କେମିତି । ତଦନ୍ତକୁ ବାଟବଣା କରିବାକୁ ଏସଆଇଟି ଏଭଳି କରିଛି । ବିଧାନସଭାରେ କିଛି ମହତ୍ତ୍ୱପୂର୍ଣ୍ଣ ପ୍ରସଙ୍ଗରେ ନଜର ହଟାଇବାକୁ ଏପରି କରାଯାଉଛି ବୋଲି କହି ଲେଖାଶ୍ରୀ ଉକ୍ତ ଭିଡିଓ ଭାଇରାଲ ଘଟଣାର ତଦନ୍ତ ଦାବି କରିଛନ୍ତି । ଏଥିସହ ପରୀ ଘଟଣାକୁ ନେଇ ଏସଆଇଟି କାହାଣୀ ରଚିଛି । କାହାଣୀକୁ ସତ ଦେଖାଇବାକୁ ଏସଆଇଟି ତଥ୍ୟ ପ୍ରମାଣ ତିଆରି କରୁଛି । ଅସଲ ଅପରାଧୀକୁ ଖସାଇ ଲାଗି ଏସଆଇଟି ଲାଗି ପଡ଼ିଛି ବୋଲି ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର କହିଛନ୍ତି ।
