ଆଜି କିସ୍ ଡେ : ପ୍ରେମକୁ ଅନ୍ତରଙ୍ଗ କରିବାର ମୁହୂର୍ତ୍ତ
ଆଜି କିସ୍ ଡେ : ପ୍ରେମକୁ ଅନ୍ତରଙ୍ଗ କରିବାର ମୁହୂର୍ତ୍ତ
admin
2724
ଆଜି କିସ୍ ଡେ(ଚୁମ୍ବନ ଦିବସ) । ପ୍ରେମ ସପ୍ତାହର ଅନ୍ୟ ଦିନଗୁଡ଼ିକ ପରି ଏହି ଦିବସ ମଧ୍ୟ ପ୍ରେମୀ ଯୁଗଳଙ୍କ ପାଇଁ ସ୍ୱତନ୍ତ୍ର । ଏହା ପ୍ରେମକୁ ଅନ୍ତରଙ୍ଗ କରିବାର ମୁହୂର୍ତ୍ତ । ଚୁମ୍ବନ ପ୍ରେମର ଗଭୀରତମ ଭାବକୁ ପ୍ରକାଶ କରିବାର ମାଧ୍ୟମ । ତେଣୁ ଏହାକୁ ନେଇ ପ୍ରେମୀମାନଙ୍କ ମନ ଏବେଠୁ ପୁଲକିତ । ହଁ..ଏହା ସତ ଯେ ଅଳ୍ପ କିଛି ଜଣଙ୍କ ପାଇଁ ଆଜିକାଲି ସମାଜ ଏହି ଦିନର ଅର୍ଥକୁ ଭିନ୍ନ ଢ଼ଙ୍ଗରେ ନେଉଛି । ଆଲିଙ୍ଗନ ଓ ଚୁମ୍ବନର ପରିକଳ୍ପନା ବଦଳାଇ ଦେଇଛି ।
ବାସ୍ତବରେ ଆଲିଙ୍ଗନ ହେଉ ବା ଚୁମ୍ବନ ଦୁଇଟି ଆତ୍ମା ମଧ୍ୟରେ ଥିବା ଭୌତିକ ସମ୍ପର୍କର ଶୁଦ୍ଧତମ ରୂପ । ଏହା ହେଉଛି ପ୍ରେମ ଓ ଭଲ ପାଇବାର ଏକାନ୍ତ ଆତ୍ମୀୟ ମିଳନ । ଆଲିଙ୍ଗନ ସମର୍ପଣର ଭାବନାକୁ ବୁଝାଏ । ଜଣେ ଜଣକୁ କେବଳ ଶରୀର ନୁହେଁ, ମନ ଏବଂ ଆତ୍ମାକୁ ଶୁଦ୍ଧ ଚିତ୍ତରେ ସମର୍ପିତ କରେ । ସ୍ନେହ ପ୍ରେମର ଶ୍ରେଷ୍ଠ ନିଦର୍ଶନ ଏହାଠାରୁ କିଛି ନାହିଁ ।
ଭାରତୀୟ ସଂସ୍କୃତିରେ ଆଲିଙ୍ଗନର ସ୍ୱତନ୍ତ୍ର ସ୍ଥାନ ରହିଛି । ଖାଲି ପ୍ରେମିକ ପ୍ରେମିକା ନୁହନ୍ତି, ଆମେ ଭଲ ପାଉଥିବା ପ୍ରିୟ ମଣିଷକୁ ଆଲିଙ୍ଗନ କରୁ । ପିଲାଟି ଜନ୍ମ ହେଲେ ବାପା ଓ ମା’ଙ୍କଠାରୁ ପ୍ରଥମ ଚୁମ୍ବନ ପାଇଥାଏ । ଚୁମ୍ବନଟି ଯେତେବେଳେ କେହି ମଥାରେ ଦେଇଥାଏ ସେ କେତେ ଭଲ ପାଇଥାଏ, ତାହାର ପ୍ରମାଣ ସେଥିରୁ ମିଳିଥାଏ । ଅନ୍ୟପକ୍ଷରେ ଶୁକ୍ରବାର ଆଲିଙ୍ଗନ ଦିବସରେ ପାର୍କରେ ପ୍ରେମୀ ଯୁଗଳଙ୍କ ଗହଳି ଦେଖିବାକୁ ମିଳିଥିଲା । କିଏ କିଏ ପୁରୀ ସମୁଦ୍ରକୂଳରେ ସମୟ କାଟିଥିଲେ ତ ଆଉ କଏ ଲଙ୍ଗ ଡ୍ରାଇଭରେ ବୁଲି ଯାଇଥିଲେ ।
