ଆଜି ଧୋନି-ରୋହିତ ଲଢେ଼ଇ
ଆଜି ଧୋନି-ରୋହିତ ଲଢେ଼ଇ
admin
ମୁମ୍ବାଇ: ଆଇପିଏଲ ଇତିହାସରୁ ଆଜି ପର୍ଯ୍ୟନ୍ତ ସବୁଠୁ ଅଧିକ ଫ୍ୟାନ ରହିଛନ୍ତି ଦୁଇଟି ଦଳର । ସେଇ ଦୁଇ ଦଳ ହେଲେ ମୁମ୍ବାଇ ଇଣ୍ଡିଆନ୍ସ ଓ ଚେନ୍ନାଇ ସୁପରକିଙ୍ଗସ । ସର୍ବାଧିକ ଥର ଆଇପିଏଲ ଚାମ୍ପିଆନ ହୋଇଥିଲା ଏହି ଦୁଇଟି ଆଜି ମୁହାଁମୁହିଁ ହେବେ । ଏଥର ଉଭୟ ଦଳର ପ୍ରଦର୍ଶନ ଅତି ନୈରାଶ୍ୟଜନକ ଥିଲେ ବି ମହେନ୍ଦ୍ର ସିଂ ଧୋନିଙ୍କ ସିଏସକେ ଓ ରୋହିତ ଶର୍ମାଙ୍କ ମୁମ୍ବାଇଙ୍କ ଭିତରେ ହେବାକୁ ଥିବା ଏହି ମ୍ୟାଚ ଉପରେ ସଭିଙ୍କ ନଜର ଅଟକିଛି । ମୁମ୍ବାଇ ପ୍ଲେ ଅଫ ଦୌଡ଼ରୁ ବାଦ୍ ପଡ଼ିଥିଲେ ହେଁ ସିଏସକେ ପାଇଁ ସାମାନ୍ୟ ଆଶା ଅଛି । ତେଣୁ ଧୋନି ସେନା ପାଇଁ ଏହା କର ବା ମର ମ୍ୟାଚ୍ । ପ୍ଲେ ଅଫ ଆଶା ଉଜ୍ଜୀବତ ରଖିବାକୁ ହେଲେ ଧୋନିଙ୍କୁ ସବୁ ମ୍ୟାଚରେ ଜିତିବାକୁ ପଡ଼ିବ। ଚଳିତ ଆଇପିଏଲ ଟୁର୍ଣ୍ଣାମେଣ୍ଟର ୫୯ତମ ମ୍ୟାଚ୍ ଚେନ୍ନାଇ ସୁପରକିଙ୍ଗସ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯିବ ।
ସିଏସକେ ବର୍ତ୍ତମାନ ୧୧ଟି ମ୍ୟାଚରୁ ୪ଟି ବିଜୟ ସହ ୮ ପଏଣ୍ଟ ହାସଲ କରିଛି । ମୁମ୍ବାଇ ଇଣ୍ଡିଆନ୍ସ ଏଯାଏଁ ମାତ୍ର ୨ଟି ମ୍ୟାଚ ଜିତିଛି । ଉଭୟ ଦଳ ଗତ ୨୧ ତାରିଖରେ ପରସ୍ପରକୁ ଭେଟିଥିଲେ । ଉକ୍ତ ମ୍ୟାଚକୁ ସୁପରକିଙ୍ଗ୍ସ ଜିତି ନେଇଥିଲା । ଆଜିର ମ୍ୟାଚକୁ ଜିତି ପ୍ରତିଶୋଧ ନେବା ଲକ୍ଷ୍ୟରେ ରହିବ ମୁମ୍ବାଇ । ସେପଟେ ଚେନ୍ନାଇର ଓପନର କନୱେ ଓ ଗାଏକ୍ବାର୍ଡ ଫର୍ମକୁ ଫେରିଛନ୍ତି । ଦଳକୁ ବୋଲିଂ ବିଭାଗ ଉପରେ ନଜର ରଖିବାକୁ ପଡିବ । ସେପଟେ ଅଲରାଉଣ୍ଡର ଜାଡେଜା ଆହତ ହୋଇ ଆଇପିଏଲରୁ ବାଦ ପଡିଛନ୍ତି ତାଙ୍କ ଅନୁପସ୍ଥିତି ପାଇଁ ଦଳ ଯେପରି କିଛି ତ୍ରୁଟି ନ କରେ ସେ ଦିଗରେ ଧ୍ୟାନ ଦେବାକୁ ପଡିବ ।
