ଏମିତି ସୁଆଦିଆ କଦଳୀ ଭଣ୍ଡା ବରା ତିଆର କରି ଖାଆନ୍ତୁ
ଏମିତି ସୁଆଦିଆ କଦଳୀ ଭଣ୍ଡା ବରା ତିଆର କରି ଖାଆନ୍ତୁ
admin
4481
ସାମଗ୍ରୀ
କଦଳୀ ଭଣ୍ଡା ୧ଟା
ବେସନ ୧କପ
ଚାଉଳଚୂନା ଅଧାକପ୍
ଧନିଆଗୁଣ୍ଡ ୧ଚାମଚ
ଜିରାଗୁଣ୍ଡ ୧ଚାମଚ
ଲଙ୍କାଗୁଣ୍ଡ ୧ଚାମଚ
ସ୍ୱାଦ ଅନୁସାରେ ଲୁଣ
ତେଲ ଆବଶ୍ୟକୀୟ ଅନୁଯାୟୀ
ସଜାଇବା ପାଇଁ ଧନିଆ ପତ୍ର
ପ୍ରଣାଳୀ:
ପ୍ରଥମେ କଦଳୀ ଭଣ୍ଡାକୁ ବାଛି ଦିଅନ୍ତୁ । ତାପରେ ତାକୁ ଧୋଇ ଛୋଟ ଛୋଟ କରି କାଟି ଦିଅନ୍ତୁ । ଗ୍ୟାସରେ କଡାଇ ବସେଇ ପାଣି ଦିଅନ୍ତୁ । ସେଥିରେ କଟା ହୋଇଥିବା କଦଳୀ ଭଣ୍ଡା, ଲୁଣ ଓ ହଳଦୀ ଗୁଣ୍ଡ ପକାଇ ୧୫ ମିନିଟ ପର୍ଯ୍ୟନ୍ତ ସିଝିବା ପାଇଁ ଛାଡି ଦିଅନ୍ତୁ । ସିଝିଗଲା ପରେ ସେଥିରୁ ପାଣିକୁ ଗାଳି ଥଣ୍ଡା ହେବା ପାଇଁ ରଖି ଦିଅନ୍ତୁ । ଥଣ୍ଡା ହେଲା ପରେ ସେଥିରେ ବେସନ, ଚାଉଳ ଚୂନା , ଧନିଆ ଗୁଣ୍ଡ, ଜିରାଗୁଣ୍ଡ, ଲଙ୍କାଗୁଣ୍ଡ ଓ ଲୁଣ ପକାଇ ଭଲ ଭାବେ ଚକଟି ଦିଅନ୍ତୁ । ଗ୍ୟାସରେ ତାୱା ବସାଇ ତେଲ ଦିଅନ୍ତୁ । ତେଲ ଗରମ ହେଲା ପରେ ସେହି ମିଶ୍ରଣକୁ ବରା ଆକାରରେ କରି ପକାନ୍ତୁ । ତାକୁ ଏପଟ ସେପଟ ଲେଉଟାଇ ଦିଅନ୍ତୁ ବାଦାମୀ ରଙ୍ଗ ହେଲା ପର୍ଯ୍ୟନ୍ତ ଭାଜନ୍ତୁ । ଭାଜି ହୋଇଗଲା ପରେ ତାୱାରୁ ଗୋଟିଏ ପ୍ଲେଟକୁ କାଢ଼ି ଦିଅନ୍ତୁ । ତା ପରେ ସେଥିରେ ଧନିଆ ପତ୍ର ସଜାଇ ଟମାଟୋ ସସ୍ ସହିତ ଗରମ ଗରମ ନିଜେ ଖାଇବା ସହିତ ପରିବାରର ଅନ୍ୟ ମାନଙ୍କୁ ଖାଇବାକୁ ଦିଅନ୍ତୁ ।
