କଦଳୀ ଭଣ୍ଡା ବରା

May 18, 2019 - 12:11 Updated: May 18, 2019 - 12:11

4591

ସାମଗ୍ରୀ କଦଳୀ ଭଣ୍ଡା ୧ଟା ବେସନ ୧କପ ଚାଉଳଚୂନା ଅଧାକପ୍ ଧନିଆଗୁଣ୍ଡ ୧ଚାମଚ ଜିରାଗୁଣ୍ଡ ୧ଚାମଚ ଲଙ୍କାଗୁଣ୍ଡ ୧ଚାମଚ ସ୍ୱାଦ ଅନୁସାରେ ଲୁଣ ତେଲ ଆବଶ୍ୟକୀୟ ଅନୁଯାୟୀ ସଜାଇବା ପାଇଁ ଧନିଆ ପତ୍ର ପ୍ରଣାଳୀ: ପ୍ରଥମେ କଦଳୀ ଭଣ୍ଡାକୁ ବାଛି ଦିଅନ୍ତୁ । ତାପରେ ତାକୁ ଧୋଇ ଛୋଟ ଛୋଟ କରି କାଟି ଦିଅନ୍ତୁ । ଗ୍ୟାସରେ କଡାଇ ବସେଇ ପାଣି ଦିଅନ୍ତୁ । ସେଥିରେ କଟା ହୋଇଥିବା କଦଳୀ ଭଣ୍ଡା, ଲୁଣ ଓ ହଳଦୀ ଗୁଣ୍ଡ ପକାଇ ୧୫ ମିନିଟ ପର୍ଯ୍ୟନ୍ତ ସିଝିବା ପାଇଁ ଛାଡି ଦିଅନ୍ତୁ । ସିଝିଗଲା ପରେ ସେଥିରୁ ପାଣିକୁ ଗାଳି ଥଣ୍ଡା ହେବା ପାଇଁ ରଖି ଦିଅନ୍ତୁ । ଥଣ୍ଡା ହେଲା ପରେ ସେଥିରେ ବେସନ, ଚାଉଳ ଚୂନା , ଧନିଆ ଗୁଣ୍ଡ, ଜିରାଗୁଣ୍ଡ, ଲଙ୍କାଗୁଣ୍ଡ ଓ ଲୁଣ ପକାଇ ଭଲ ଭାବେ ଚକଟି ଦିଅନ୍ତୁ । ଗ୍ୟାସରେ ତାୱା ବସାଇ ତେଲ ଦିଅନ୍ତୁ । ତେଲ ଗରମ ହେଲା ପରେ ସେହି ମିଶ୍ରଣକୁ ବରା ଆକାରରେ କରି ପକାନ୍ତୁ । ତାକୁ ଏପଟ ସେପଟ ଲେଉଟାଇ ଦିଅନ୍ତୁ ବାଦାମୀ ରଙ୍ଗ ହେଲା ପର୍ଯ୍ୟନ୍ତ ଭାଜନ୍ତୁ । ଭାଜି ହୋଇଗଲା ପରେ ତାୱାରୁ ଗୋଟିଏ ପ୍ଲେଟକୁ କାଢ଼ି ଦିଅନ୍ତୁ । ତା ପରେ ସେଥିରେ ଧନିଆ ପତ୍ର ସଜାଇ ଟମାଟୋ ସସ୍ ସହିତ ଗରମ ଗରମ ନିଜେ ଖାଇବା ସହିତ ପରିବାରର ଅନ୍ୟ ମାନଙ୍କୁ ଖାଇବାକୁ ଦିଅନ୍ତୁ ।