ଜୀବନୀ ଚଳଚ୍ଚିତ୍ରରେ ସିଦ୍ଧାନ୍ତଙ୍କୁ ଚାହାନ୍ତି ଯୁବି
ଜୀବନୀ ଚଳଚ୍ଚିତ୍ରରେ ସିଦ୍ଧାନ୍ତଙ୍କୁ ଚାହାନ୍ତି ଯୁବି
admin
5864
ପାତିଆଲା: ଭାରତୀୟ କି୍ରକେଟ ଦଳର ପୂର୍ବତନ ଅଲରାଉଣ୍ଡର ଯୁବରାଜ ସିଂହଙ୍କ ଜୀବନୀ ଉପରେ ଖୁବ ଶୀଘ୍ର ଏକ ଚଳଚ୍ଚିତ୍ର ନିର୍ମାଣ ହେବାକୁ ଯାଉଛି । ଆଉ ଏହି ଚଳଚ୍ଚିତ୍ରରେ କିଏ ତାଙ୍କ ଭୂମିକାକୁ ଭଲରେ ତୁଲାଇ ପାରିବେ ବୋଲି ପ୍ରଶ୍ନ ହେବାରୁ ଯୁବି କହିଛନ୍ତି ମୁଁ ଭାବୁଛି ସିଦ୍ଧାନ୍ତ ଚତୁର୍ବେଦୀ’ । ଏପରିକି ସେ ନିଜେ ଏଥିରେ ଅଭିନୟ କରିବା କଥା ବି ଚିନ୍ତା କରିବେ ବୋଲି ପ୍ରକାଶ କରିଛନ୍ତି ଯୁବି । ସମ୍ଭବତଃ ନିଜେ ଅଭିନୟ କଲେ ଏହା ଟିକେ ନିରାଶ ହୋଇପାରେ (ହସିକରି) କି? ବୋଲି ୨୦୧୧ ବିଶ୍ୱକପର ଏହି ଶ୍ରେଷ୍ଠ ଖେଳାଳି ପ୍ରଶ୍ନ କରିଥିଲେ । ତଥାପି ଏହା ନିଦେ୍ର୍ଧଶକଙ୍କ କାମ, ଯଦି ଏହା ବଲିଉଡ଼ ଚଳଚ୍ଚିତ୍ର ନିର୍ମାଣ ହେବ ତେବେ ସମ୍ଭବତଃ ସିଦ୍ଧାନ୍ତ ଚତୁର୍ବେଦୀ ଭଲ ବିକଳ୍ପ ହେବେ । ମୁଁ ତାଙ୍କୁ ଚଳଚ୍ଚିତ୍ରରେ ଦେଖିବାକୁ ଭଲ ପାଏ ବୋଲି ଯୁବି ପ୍ରକାଶ କରିଥିଲେ ।
