ନକଲି ପନିର:ଗିରଫ ହେଲେ ବ୍ୟବସାୟୀ

Dec 31, 2020 - 06:27 Updated: Dec 31, 2020 - 06:27

2257

କଟକ: ୧ କ୍ୱିଣ୍ଟାଲରୁ ଉର୍ଦ୍ଧ ସିନ୍ଥେଟିକ ନକଲି ପନିର ଜବତ ଘଟଣାରେ ଚାଉଳିଆଗଞ୍ଜ ପୁଲିସ ଜଣକୁ ଗିରଫ କରିଛି । ଖାଦ୍ୟ ନିରାପତ୍ତା ଆଇନ ଦଫା ୨୭୨, ୨୭୩, ୪୨୦,୩୪ ଆଇପିସି ଲଗାଇ ଚାଉଳିଆଗଞ୍ଜ ପୁଲିସ ଜଣକୁ ଗିରଫ କରିଛି । ବୁଧବାର ଚଢଉ କରି ଚାଉଳିଆଗଞ୍ଜ ପୁଲିସ ଓ ସିଏମସି ନକଲି ପନିର ଜବତ କରିଥିାଊ । ଏହି ସାମଗ୍ରୀ କୋଲକାତାରୁ ବସରେ ଚାଲାଣ ବେଳେ ଚାଉଳିଆଗଞ୍ଜରୁ ଜବତ ହୋଇଥିଲା । ପ୍ରକାଶ ଯେ, ନକଲି ସାମଗ୍ରୀର ହବ ପାଲଟିଯାଇଛି କଟକ ସହର । ଏବେ ଏମିତି କଟକରେ ଆଉ କିଛି ଜିନିଷ ନାହିଁ ଯାହା ନକଲି ହୋଇନଥିବ । ନକଲି ଘିଅ, ମସଲ ଏମିତିକି ନକଲି ସିମେଣ୍ଟ ମଧ୍ୟ ଠାବ କରାଯାଇଛି । ଲୋକ ବି ଏବେ ଦ୍ୱନ୍ଦ୍ୱରେ ପଡ଼ିଗଲେଣି ଯେ, ସେମାନେ ଏବେ ଯାହା ବ୍ୟବହାର କରୁଛନ୍ତି ତାହା ଅସଲି କି ନକଲି । ବାରମ୍ବାର ବହୁ ନକଲି ସାମଗ୍ରୀ ଜବତ କରାଯିବା ପରେ ପୁଲିସ ତା’ର ଚଢଉ ଜାରି ରଖିଥିବାବେଳେ ବୁଧବାର ପୁଣି ନକଲି ପନିର ଜବତ କରିଥିଲା । ଚାଉଳିଆଗଞ୍ଜ ପୁଲିସ ଓ ସିଏମସି ଚଢଉ କରି ୧ କ୍ୱିଣ୍ଟାଲରୁ ଊଦ୍ଧ୍ୱର୍ ସିନ୍ଥେଟିକ ପନିର ଜବତ କରିଥିଲେ । କୋଲାକାତାରୁ ବସରେ ଚାଲାଣ ବେଳେ ଚାଉଳିଆଗଞ୍ଜରୁ ଉକ୍ତ ସିନ୍ଥେଟିକ ପନିରକୁ ଜବତ କରାଯାଇଥିଲା ।