ନଦୀରେ ବୁଡିଗଲା ୫ଟି ହାଇୱା ।
ନଦୀରେ ବୁଡିଗଲା ୫ଟି ହାଇୱା ।
admin
4011
ପାଣିକୋଇଲି ନିକଟ ବୈତରଣୀ ନଦୀରେ ଭାସିଗଲା ୫ଟି ଟ୍ରକ୍ । ବାଲି ନେଲାବେଳେ ଏଭଳି ଅଘଟଣ ଘଟିଛି । ଯାଜପୁର ଜିଲ୍ଲା ପାଣି କୋଇଲି ଥାନା ଅଧୀନ ଲିଙ୍ଗେଶ୍ବର ଘାଟରେ ୫ଟି ହାଇଓ୍ବ ବୁଡି ଯାଇଛି । ଏହି ଗାଡିଗୁଡିକ ବାଲି ନେବା ପାଇଁ ଘାଟ ମଧ୍ୟରେ ପଶିଥିବାବେଳେ ହଠାତ୍ ଚେକ୍ ପୋଷ୍ଟରୁ ପାଣି ଛାଡି ଦିଆଯାଇଥିଲା । ଫଳରେ ଗାଡିଗୁଡିକ ସମ୍ପୂର୍ଣ୍ଣ ବୁଡି ଯାଇଥିଲେ । ତେବେ ଗାଡିରେ ଥିବା ଡ୍ରାଇଭର ଓ ଅନ୍ୟ କର୍ମଚାରୀମାନେ ନିଜ ଜୀବନ ବଂଚାଇବା ପାଇଁ ପାଣିରେ ପହଁରି ଆସିଯାଇଥିଲେ । ତେବେ ଲକ୍ ଡାଉନ୍ ସମୟରେ ନିଷିଦ୍ଧାଞ୍ଚଳରେ କାହା ଅନୁମତିରେ ବାଲି ଉଠାଣ ଯାଉଥିଲା ସେନେଇ ସାଧାରଣରେ ପ୍ରଶ୍ନ ଉଠିଛି ।
