ନିଆଁ ପୁଇଁବା ବେଳେ ଶାଢ଼ିରେ ଲାଗିଗଲା ନିଆଁ

Dec 21, 2021 - 05:13 Updated: Dec 21, 2021 - 05:13

3816

ଦେବଗଡ଼: ନିଆଁ ପୁଇଁବା ଶାଢିରେ ନିଆଁ ଲାଗିବାରୁ ଜଳିଗଲେ ବୃଦ୍ଧା। ଦେବଗଡ ଜିଲ୍ଲା କଂସର ପୋଲିସ ଫାଣ୍ଡି ଅନ୍ତର୍ଗତ ଲଇଣ୍ଡା ଗ୍ରାମରେ ଘଟିଛି ଏପରି ଘଟଣା। ମୃତା ବୃଦ୍ଧାଜଣକ ହେଲେ ୬୦ ବର୍ଷୀୟା ରଇବାରୀ କୁଅଁର ।

ଶୀତରୁ ରକ୍ଷା ପାଇବା ପାଇଁ ପରିବାର ଲୋକଙ୍କ ସହ ମିଶି ରଇବାରୀ ରାତି ପ୍ରାୟ ୪ଟା ସମୟରେ ନିଆଁ ପୁଉଁଥିଲେ। ମାତ୍ର ଏହି ସମୟରେ ଅସାବଧାନତା ହେତୁ ତାଙ୍କ ଶାଢିରେ ହଠାତ ନିଆଁ ଲାଗି ଯାଇଥିଲା । ଫଳରେ ରଇବାରୀ ନିଆଁରେ ପୋଡି ଗୁରୁତର ହୋଇ ପଡିଥିଲେ ।

ପରିବାର ଲୋକ ତାଙ୍କୁ ଉଦ୍ଧାର କରି ତିଲେଇବଣି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ବୃଦ୍ଧାଙ୍କ ଶବ ରଖାଯାଇଛି ।