ପୁଣି ଲକଡାଉନ କଡାକଡି କରିବାକୁ ନିଷ୍ପତି ନେଲେ ଏହି ୪ଟି ରାଜ୍ୟ ।
ପୁଣି ଲକଡାଉନ କଡାକଡି କରିବାକୁ ନିଷ୍ପତି ନେଲେ ଏହି ୪ଟି ରାଜ୍ୟ ।
admin
5473
ଦେଶରେ ଦିନକୁ ଦିନ ଦ୍ରୁତ ଗତିରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିଚାଲିଛି । ଗତକାଲି ଦେଶରେ ପାଖାପାଖି ୧୦ ହଜାର ନୁଆ ମାମଲା ସାମ୍ନାକୁ ଆସିଛି । ଦେଶରେ ବର୍ତମାନ ସଂକ୍ରମିତଙ୍କ ସଂଖ୍ୟା ୩ ଲକ୍ଷ ପାଖାପାଖି ପହଞ୍ଚିଛି | ଅନଲକ-୧ ପରେ ପରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଥିବା ଅନୁମାନ କରାଯାଇଛି | ଏହିଭଳି ସ୍ଥିତିରେ ୪ଟି ରାଜ୍ୟ ପୁଣିଥରେ କଡା ପ୍ରତିବନ୍ଧକ ଲାଗୁ କରିବାକୁ ବ୍ୟବସ୍ଥା କରୁଛନ୍ତି | ଅପରପକ୍ଷରେ ଆଉ କିଛି ରାଜ୍ୟ ଲକଡାଉନ ସମ୍ପୂର୍ଣ କୋହଳ କରିବାକୁ ବିଚାର କରୁଛନ୍ତି |
ପଞ୍ଜାବରେ ମୁଖ୍ୟମନ୍ତ୍ରୀ କ୍ୟାପଟେନ ଅମରୀନ୍ଦ୍ର ସିଂହଙ୍କ ସରକାର ପୁଣିଥରେ ପ୍ରତିବନ୍ଧକ ଲଗାଇଛନ୍ତି | ଉଇକେଣ୍ଡ ଓ ଛୁଟି ଦିନ ମାନଙ୍କରେ ଲକଡାଉନ କଡାକଡି କରିବାକୁ ଆଦେଶ ଦେଇଛନ୍ତି | ଏପରିକି ଦିଲ୍ଲୀରୁ ଆସୁଥିବା ଲୋକଙ୍କ ପାଇଁ ରାଜ୍ୟ ସରକାର କଡା ପ୍ରତିବନ୍ଧକ ଲଗାଇବାକୁ ବିଚାର କରୁଛନ୍ତି | ମେଡିକାଲ ଷ୍ଟାଫ ଏବଂ ଆବଶ୍ୟକ ସେବା ଛଡା ସମସ୍ତ ନାଗରିକଙ୍କୁ କରୋନା ଭାଇରସ ଆଲର୍ଟ ଆପ ଦ୍ୱାରା ଇ-ପାସ ଡାଉନଲୋଡ଼ କରିବା ଅନିବାର୍ଯ୍ୟ |
ତାମିଲନାଡୁରେ ମଧ୍ୟ କରୋନା ସଂକ୍ରମଣ ହୁ ହୁ ହୋଇ ବଢିଚାଲିଛି | ଏହିଭଳି ପରିସ୍ଥିତିରେ ମାଡ୍ରାସ ହାଇକୋର୍ଟ ରାଜ୍ୟ ସରକାରଙ୍କୁ କେବଳ ଚେନ୍ନାଇକୁ ଲକଡାଉନ କରିବାକୁ ପରାମର୍ଶ କରିଛନ୍ତି | ତାମିଲନାଡୁରେ ୨୫ ହଜାରରୁ ଅଧିକ ମାମଲା ରହିଛି ଯେଉଁଥିରୁ ୭୦ ପ୍ରତିଶତ ରୋଗୀ କେବଳ ଚେନ୍ନାଇର |
କେରଳ ସରକାର ଚଳିତ ମାସରେ ଭଗବାନ ଅୟାପ୍ପା ମନ୍ଦିର ଖୋଲିବାକୁ ନିଷ୍ପତ୍ତି ନେଇଥିଲେ | କିନ୍ତୁ ବର୍ତ୍ତମାନ ସେ ଏହି ନିଷ୍ପତ୍ତି ବଦଳାଇ ଦେଇଛନ୍ତି | ମନ୍ଦିର ନ ଖୋଲିବାକୁ ନିର୍ଣୟ ନେଇଛନ୍ତି | ଏବେ ସୁଦ୍ଧା ରାଜ୍ୟରେ ମୋଟ ୧୨୮୩ ମାମଲା ସାମ୍ନାକୁ ଆସିଛି | ରାଜ୍ୟରେ ଏବେ ସୁଦ୍ଧା ୧୮ ଜଣଙ୍କ ମୃତ୍ୟୁ ହୋଇଛି |
ଝାରଖଣ୍ଡରେ କଂଗ୍ରେସର ଶିବୁ ସୋରେନ ସରକାର ଲକଡାଉନ ନିୟମ କଡାକଡି କରିବାକୁ ଆଦେଶ ଦେଇଛନ୍ତି | ଝାରଖଣ୍ଡରେ ଗତ ୨୪ ଘଣ୍ଟା ମଧ୍ୟରେ ୪୮ ନୂଆ ମାମଲା ସାମ୍ନାକୁ ଆସିବା ପରେ ସଂକ୍ରମିତଙ୍କ ସଂଖ୍ୟା ୧୫୯୯ ରେ ପହଞ୍ଚିଛି | ଏବେ ସୁଦ୍ଧା ରାଜ୍ୟରେ ୧୫୯୯ ସଂକ୍ରମିତଙ୍କ ମଧ୍ୟରୁ ୧୩୧୧ ପ୍ରବାସୀ ଶ୍ରମିକ ରହିଛନ୍ତି ଏବଂ ଦେଶର ବିଭିନ୍ନ ଅଞ୍ଚଳରୁ ରାଜ୍ୟକୁ ଫେରିଛନ୍ତି |
