ବନ୍ଦ ଘରୁ ନବବିବାହିତାଙ୍କ ଶବ ଉଦ୍ଧାର
ବନ୍ଦ ଘରୁ ନବବିବାହିତାଙ୍କ ଶବ ଉଦ୍ଧାର
admin
4022
ରାଉରକେଲା: ସୁନ୍ଦରଗଡ଼ ଜିଲ୍ଲା ଟିକାୟତପାଲି ଥାନା ଅନ୍ତର୍ଗତ ସରସରା ଗ୍ରାମ ବଜ଼ାରଦାଣ୍ଡର ଏକ ବନ୍ଦ ଘରେ ଜଣେ ନବବିବାହିତାଙ୍କ ଶବ ଉଦ୍ଧାର କରାଯାଇଛି । ତେବେ ମୃତ ଯୁବତୀଙ୍କ ସ୍ବାମୀ ଓ ଶ୍ବଶୁର ଘର ଛାଡ଼ି ଫେରାର ହୋଇଯାଇଛନ୍ତି ।
ମିଳିଥିବା ସୂଚନା ମୁତାବକ ମାଲୁ ବେହେରାଙ୍କ ପୁଅ ବିଭୂତି ଚାରି ମାସ ତଳେ ବିବାହ କରିଥିଲେ । ଗତକାଲି ରାତିରେ ମାଲୁ ବେହେରା ଏବଂ ତାଙ୍କ ପୁଅ ବିଭୁତି ଘରୁ ପଳାଇବା ଦେଖି ଗ୍ରାମବାସୀ ସନ୍ଦେହ କରିଥିଲେ । ପରେ ଘର ଝରକା ବାଟେ ନବଵିବାହିତାଙ୍କ ଝୁଲନ୍ତା ମୃତଦେହ ଦେଖି ସ୍ଥାନୀୟ ଲୋକେ ପୁଲିସକୁ ସୂଚନା ଦେଇଥିଲେ ।
ଆଜି ସକାଳେ ପୁଲିସ ଘଟଣାସ୍ଥଳରେ ପହଞ୍ଚି ନବବିବାହିତାଙ୍କ ଶବ ଉଦ୍ଧାର କରିଛି । ପୁଲିସ ଏହାପରେ ଘଟଣାର ତଦନ୍ତ ଆରମ୍ଭ କରିଥବା ବେଳେ ବାପ ପୁଅ ଫେରାର ଥିବାରୁ ଏହା ଏକ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି ।
