ବନ୍ଦେ ଭାରତ ଏକ୍ସପ୍ରେସ ଲୋକାର୍ପିତ
ବନ୍ଦେ ଭାରତ ଏକ୍ସପ୍ରେସ ଲୋକାର୍ପିତ
admin
2131
ନୂଆଦିଲ୍ଲୀ: ନୂଆଦିଲ୍ଲୀରୁ ବୈଷ୍ଣୋଦେବୀ କଟରା ପର୍ୟ୍ୟନ୍ତ ଚଳାଚଳ କରିବାକୁ ଥିବା ବନ୍ଦେ ଭାରତ ଏକ୍ସପ୍ରେସକୁ ଗୁରୁବାର କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଲୋକାର୍ପଣ କରିଛନ୍ତି। ଅମିତ ଶାହଙ୍କ ସମେତ ରେଳ ମନ୍ତ୍ରୀ ପୀୟୁଷ ଗୋୟଲ ଓ ଅନ୍ୟ ମନ୍ତ୍ରୀମାନେ ସବୁଜ ପତାକା ଦେଖାଇ ଏହି ଏକ୍ସପ୍ରେସର ଶୁଭାରମ୍ଭ କରିଥିଲେ। ଆସନ୍ତା ୫ ତାରିଖରୁ ବନ୍ଦେ ଭାରତ ଏକ୍ସପ୍ରେସ ନିୟମିତ ସେବା ପ୍ରଦାନ କରିବ। ଏହି ଟ୍ରେନ ଚଳାଚଳ କରିବା ଫଳରେ ଦିଲ୍ଲୀରୁ ବୈଷ୍ଣୋଦେବୀ ଯାତ୍ରାରେ ୪ ଘଣ୍ଟା ହ୍ରାସ ପାଇବ। ଟ୍ରେନ ଯାତ୍ରା ପାଇଁ ଟିକେଟ ବୁକିଂ ଆରମ୍ଭ ହୋଇଯାଇଛି।
ବନ୍ଦେ ଭାରତ ଏକ୍ସପ୍ରେସର ଲୋକାର୍ପଣ କରିବା ପରେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ କହିଥିଲେ, ରେଳ ମନ୍ତ୍ରୀ ପୀୟୁଷ ଗୋୟଲଙ୍କ ନେତୃତ୍ଵରେ କାମ କରୁଥିବା ରେଳ ବିଭାଗର ସମସ୍ତ ଲୋକଙ୍କୁ ହୃଦୟରୁ ବହୁତ ବହୁତ ଅଭିନନ୍ଦନ ଦେବାକୁ ଚାହୁଁଛି। ଜାମ୍ମୁ-କାଶ୍ମୀରକୁ ଆଜି ନବରାତ୍ରର ଶୁଭ ଅବସରରେ ଏକ ବଡ଼ ଉପହାର ପ୍ରଦାନ କରିବାର କାମ କରିଛି। ୨୦୧୪ରେ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ହେବା ପରଠାରୁ ସମସ୍ତ ଯାତ୍ରା ସ୍ଥଳ ପର୍ୟ୍ୟନ୍ତ ସବୁ ଯାତ୍ରୀ ସୁଗମ ଏବଂ ସରଳ ଭାବେ ଯେପରି ପହଞ୍ଚିପାରିବେ ସେଥିଲାଗି ସରକାର ଅନେକ ପଦକ୍ଷେପ ନେଇଛନ୍ତି।
