ବର୍ଷା-ଅନୁଭବ ବିବାଦର ଶୁଣାଣି

Jan 28, 2021 - 10:42 Updated: Jan 28, 2021 - 10:42

5155

ଭୁବନେଶ୍ୱର: ଓଲିଉଡ ଅଭିନେତା ଦମ୍ପତି ବର୍ଷା ପ୍ରିୟଦର୍ଶନୀ ଓ ଅନୁଭବ ମହାନ୍ତି ବିବାଦ ମାମଲା । କଟକ ଏସଡିଜେଏମ କୋର୍ଟରେ ଉଭୟଙ୍କ ଆବେଦନର ଶୁଣାଣି କରାଯାଇଛି । ଅନୁଭବ ଓ ବର୍ଷାଙ୍କ ୨ଟି ପୃଥକ ପିଟିସନ ଉପରେ କୋର୍ଟ ଶୁଣାଣି କରିଛନ୍ତି । ଘରୋଇ ହିଂସା ଅଭିଯୋଗରେ ବର୍ଷା ମୂଳ ମାମଲା କରିଥିଲେ । ଫେବ୍ରୁଆରି ୫ରେ ମାମଲାର ପରବର୍ତୀ ଶୁଣାଣି କରାଯିବ । ପ୍ରକାଶ ଯେ, ଓଲିଉଡର ଏହି ଷ୍ଟାର ଦମ୍ପତ୍ତିଙ୍କ ଛାଡପତ୍ରକୁ ନେଇ ବର୍ଷା କଟକ ସ୍ଥିତ ଦୌରାଜଜଙ୍କ ନିକଟରେ ମାମଲା ରୁଜୁ କରିଥିଲେ । ଏହାପରେ ଅନୁଭବ ଦିଲ୍ଲୀସ୍ଥିତ ପଟିଆଲା ହାଉସ କୋର୍ଟରେ ମାମଲା ଦାୟର କରିଥିବା ଜଣାପଡିଥିଲା । ଉଭୟ ପରସ୍ପର ବିରୋଧରେ ବୟାନ ପ୍ରଦାନ କରିବାରେ ନ୍ୟସ୍ତ ରହିଥିଲେ । ସୋସିଆଲ ମିଡିଆରେ ପରସ୍ପର ପ୍ରତି ଅପମାନ ସୂଚକ ମନ୍ତ୍ୟ ଦେଉଥିଲେ । ବର୍ଷା ଏବଂ ସେ ସ୍ୱାମୀ ସ୍ତ୍ରୀ ପରି ଚଳୁନଥିବା ନେଇ ଅନୁଭବ ଅଭିଯୋଗ କରିଥିଲେ । ସେହିପରି ଅନୁଭବ ମଦ ପିଇ ତାଙ୍କୁ ମାଡ ମାରିବା ସହିତ ନିର୍ଯାତନା ଦେଉଥିଲେ ବୋଲି ବର୍ଷା ଅଭିଯୋଗ କରିଥିଲେ । ଏହାପରେ ସର୍ବୋଚ୍ଚକୋର୍ଟଙ୍କ ତତ୍ତ୍ୱାବଧାନରେ ଉଭୟଙ୍କ ମଧ୍ୟରେ ଆପୋଷ ସମାଧାନର ପ୍ରୟାସ କରାଯାଇଥିଲା ।