ବିଜେଡିରୁ ଇସ୍ତଫା ଦେଲେ କୁସୁମ ଟେଟେ

Mar 19, 2019 - 06:11 Updated: Mar 19, 2019 - 06:11

5427

ଭୁବନେଶ୍ୱର : ବିଜେଡିରୁ ଇସ୍ତଫା ଦେଇଛନ୍ତି କୁସୁମ ଟେଟେ । ବିଜେଡ଼ି ଟିକେଟ ନମିଳିବାରୁ ସେ ଦଳ ଛାଡିଛନ୍ତି । ତେବେ ସେ ୨୦୧୯ ନିର୍ବାଚନ ଲଢ଼ିବେ ବୋଲି କହିଛନ୍ତି । ଗତ ନିର୍ବାଚନରେ କୁସୁମ ସୁନ୍ଦରଗଡ଼ରୁ ନିର୍ବାଚନ ଲଢ଼ି ପରାସ୍ତ ହୋଇଥିଲେ । ତେବେ ସୁନ୍ଦରଗଡ଼ରୁ ଏଥର ବିଜେଡ଼ି ଟିକେଟ ପାଇଛନ୍ତି ଯୋଗେଶ ସିଂହ । ସେ କଂଗ୍ରେସ ଛାଡ଼ି ବିଜେଡ଼ିରେ ସାମିଲ ହୋଇଥିଲେ । ଏହାର ପ୍ରତିବାଦ କରିଥିଲେ କୁସୁମ । ତେବେ କୁସୁମଙ୍କୁ ଦଳ ବୁଝାଇ ଦେଇଥିଲା । ତାଙ୍କୁ ସୁନ୍ଦରଗଡ଼ ସ୍ୱତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ କରାଯାଇଥିଲା । ତେବେ ଦଳୀୟ ଟିକେଟରୁ ଲଢ଼ିବା ପାଇଁ ଇଚ୍ଛା ପ୍ରକାଶ କରି କୁସୁମ ସେହି ପଦବୀ ଛାଡ଼ିଦେଇଥିଲେ । ବିଜେଡ଼ି ଟିକେଟ ପାଇଁ ଆଶା ରଖିଥିଲେ ବି ତାଙ୍କୁ ଟିକେଟ ମିଳିନଥିଲା ।