ବିଜେପି ପ୍ରାର୍ଥୀ କହିଲେ ହାତ ଚିହ୍ନରେ ଭୋଟ ଦିଅ
ବିଜେପି ପ୍ରାର୍ଥୀ କହିଲେ ହାତ ଚିହ୍ନରେ ଭୋଟ ଦିଅ
admin
2268
ଭୁବନେଶ୍ୱର : ଶିର୍ଷକଟି ଆଶ୍ଚର୍ଯ୍ୟ ଲାଗିଲେ ବି ସତ । । ପୋଲସରାରେ ଆୟୋଜିତ ବିଜୟ ସଂକଳ୍ପ ସମାବେଶରେ ତାଙ୍କ ପାଟିରୁ କଥା ଖସିଗଲା । ପଦ୍ମଫୁଲ ଚିହ୍ନ ବଦଳରେ ହାତ ଚିହ୍ନକୁ ଭୋଟ ଦେବା ପାଇଁ ସେ ଆହ୍ୱାନ ଦେଇଦେଲେ । ଉକ୍ତ ସଭାରେ ବିଜେପି ରାଷ୍ଟ୍ରୀୟ ଉପସଭାପତି ଅମିତ ଶାହା, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ବହୁ ନେତା ଉପସ୍ଥିତ ଥିଲେ । ହିଞ୍ଜିଳିରୁ ନବୀନଙ୍କ ବିରୋଧରେ ଲଢ଼ୁଥିବା ପୀତାମ୍ବରଙ୍କ ଏଭଳି ମନ୍ତବ୍ୟ କିନ୍ତୁ ସଭାରେ ବେଶ ହାସ୍ୟାରୋଳ ସୃଷ୍ଟି କରିଥିଲା । ଏଠାରେ ସୂଚାଇ ଦିଆଯାଇପାରେଯେ, ଲୁଲୁ ମହାପାତ୍ରଙ୍କ ଖାସ ବନ୍ଧୁ ପୀତାମ୍ବର ପୂର୍ବରୁ କଂଗ୍ରେସ ଓ ହାତ ଚିହ୍ନ ପାଇଁ ପ୍ରଚାର କରୁଥିଲେ ।
ଖାଲି ପୀତାମ୍ବର ନୁହଁନ୍ତି, କଂଗ୍ରେସରୁ ବିଜେଡ଼ିକୁ ଯାଇଥିବା ନେତାମାନେ ମଧ୍ୟ ବିଜେଡ଼ି ପ୍ରାର୍ଥୀଙ୍କୁ ହାତ ଚିହ୍ନରେ ମୋହର ମାରି ଜୟଯୁକ୍ତ କରାଇବାକୁ କହୁଥିବା ଦେଖିବାକୁ ମିଳିଛି । ଗୋପାଳପୁରରେ ପ୍ରଦୀପ ପାଣିଗ୍ରାହୀଙ୍କ ପାଇଁ ପ୍ରଚାର କରିବା ବେଳେ ଏମିତି କହିଥିଲେ ପୂର୍ବତନ କଂଗ୍ରେସ ନେତା ଅଲେଖ ଚୌଧୁରୀ । ଅନ୍ୟ ଏକ ଘଟଣା ବ୍ରହ୍ମପୁରର ଆମ୍ବପୁଆରେ ଦେଖିବାକୁ ମିଳିଥିଲା । ନିକଟରେ ବିଜେଡିରୁ ଯାଇ ଛତ୍ରପୁରରୁ ବିଜେପି ପ୍ରାର୍ଥୀ ହୋଇଛନ୍ତି ପ୍ରଶାନ୍ତ କର । ସେ ବିଜେପି କର୍ମୀ ସମ୍ମିଳନୀକୁ ସମ୍ବୋଧନ କରିବା ବେଳେ ମୋର ପ୍ରିୟ ବିଜେଡ଼ି କର୍ମୀ ବୋଲି କହିଥିଲେ । ପରେ ସରି କହି ସେ ନିଜକୁ ସୁଧାରି ନେଇଥିଲେ ।
