ମନ୍ତ୍ରୀଙ୍କ ଉତ୍ତର ତଥ୍ୟ ଠାରୁ ଦୂରରେ: ଜୟନାରାୟଣ
ମନ୍ତ୍ରୀଙ୍କ ଉତ୍ତର ତଥ୍ୟ ଠାରୁ ଦୂରରେ: ଜୟନାରାୟଣ
admin
2112
ଭୁବନେଶ୍ୱର: କୋଭିଡ ପରିଚାଳନାରେ ବିଫଳତା ନେଇ ବିରୋଧୀଙ୍କ ପକ୍ଷରୁ ଆଗତ ମୁଲତବୀ ଆଲୋଚନାରେ ସ୍ୱାସ୍ଥ୍ୟମନ୍ତ୍ରୀ ନବ ଦାସ ଯେଉଁ ଉତ୍ତର ରଖିଛନ୍ତି ତାହା ତଥ୍ୟ ଠାରୁ ବହୁତ ଦୂରରେ ବୋଲି କଂଗ୍ରେସ ବିଧାୟକ ଜୟନାରାୟଣ ମିଶ୍ର ଅଭିଯୋଗ କରିଛନ୍ତି । ଏଥିସହ କେବଳ କୋଭିଡ ନୁହେଁ ସମସ୍ତ ସ୍ୱାସ୍ଥ୍ୟସେବା ବିପର୍ଯ୍ୟସ୍ତ ହୋଇପଡ଼ିଥିବା ସେ ଅଭିଯୋଗ କରିଛନ୍ତି ।
ଶ୍ରୀ ମିଶ୍ର କହିଛନ୍ତି ଯେ, ସରକାର ଶ୍ରେୟ ନେବାକୁ ଅନେକ କାମ କଲେ । ସାମାନ୍ୟ ଲକ୍ଷଣ ଥାଇ ହସ୍ପିଟାଲ ନେଇ ୨/୩ ଦିନ ଭିତରେ ଛାଡ଼ି ଦେଲେ । କିଡନୀ ଓ ହାର୍ଟ ରୋଗୀଙ୍କୁ ଭର୍ତ୍ତି କରାଗଲା । କେହି ଦେଖିବାକୁ ଗଲେନି । ଜ୍ୱର ହେଉଛି, କୋଭିଡ ହୋଇନଥିବା ରିପୋର୍ଟ ଥାଇ ଆଡମିଟ କରାଯାଉନି ବୋଲି ଶ୍ରୀ ମିଶ୍ର ଅଭିଯୋଗ କରିଛନ୍ତି ।
ବୁଧବାର ବିଧାନସଭା ଅଧିବେଶନର ଦ୍ୱିତୀୟ ଦିନରେ ବିରୋଧୀଙ୍କ ମୁଲତବୀ ନୋଟିସ ଆଲୋଚନାରେ ବିବୃତି ଦେବା ଅବସରରେ ମନ୍ତ୍ରୀ ଶ୍ରୀ ଦାସ କହିଥିଲେ ଯେ, ଅନ୍ୟ ରାଜ୍ୟ ତୁଳନାରେ ଓଡ଼ିଶାରେ କୋଭିଡ ନିୟନ୍ତ୍ରଣରେ ରହିଛି । ରାଜ୍ୟରେ ମୋଟ ସକ୍ରିୟ କେସ ୩୬ ହଜାରରୁ ଅଧିକ । ୨୯ ହଜାର କରୋନା ଆକ୍ରାନ୍ତ ହୋମ ଆଇସୋଲେସନରେ ଅଛନ୍ତି । ୭୩୪୮ ଆକ୍ରାନ୍ତ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଯଦି ରାଜ୍ୟ ସରକାର କୋଭିଡ ପରିଚାଳନାରେ ବିଫଳ ହୋଇଛନ୍ତି ତେବେ କରୋନା ଆକ୍ରାନ୍ତ କିପରି ସୁସ୍ଥ ହେଉଛନ୍ତି । ଦେଶରେ କୋଭିଡ ମୃତୁ୍ୟହାର ୧.୬% । ମାତ୍ର ଓଡ଼ିଶାରେ ୦.୩୮% । ଲକଡାଉନ ଯୋଗୁଁ କରୋନା ସଂକ୍ରମଣ ନିୟନ୍ତ୍ରଣରେ ଥିଲା । କିନ୍ତୁ ପ୍ରବାସୀ ଫେରିବା ପରେ ରାଜ୍ୟରେ ଆକ୍ରାନ୍ତ ବଢିତôଲା । କୋଭିଡ କିଟ ଦୁର୍ନୀତି ଅଭିଯୋଗ ବିଚାରାଧୀନ ରହିଛି । ଯିଏ ଦୋଷୀ ହେବେ କାର୍ଯ୍ୟାନୁଷ୍ଠାନ ହେବ । କରୋନା ରୋଗୀଙ୍କୁ ସମସ୍ତ ସୁବିଧା ଦିଆଯାଉଛି । ଅବ୍ୟବସ୍ଥା ନାହିଁ । କୋଭିଡର ସଫଳ ପରିଚାଳନା ନେଇ ଆମକୁ ସମସ୍ତେ ପ୍ରଶଂସା କରୁଛନ୍ତି ବୋଲି ଶ୍ରୀ ଦାସ କହିଥିଲେ ।
ପ୍ରକାଶ ଯେ, ରାଜ୍ୟ ସରକାରଙ୍କ କୋଭିଡ ପରିଚାଳନାରେ ସମ୍ପୂର୍ଣ୍ଣ ବିଫଳ ହୋଇଥିବା ନେଇ ବିରୋଧଙ୍କ ପକ୍ଷରୁ ମୁଲତବୀ ନୋଟିସ ଅଣାଯାଇଥିଲା । ଏହାକୁ ବାଚସ୍ପତି ସୂର୍ଯ୍ୟନାରାୟଣ ପାତ୍ର ଗ୍ରହଣ କରିଥିଲେ । ପରେ ଏହାକୁ ନେଇ ସ୍ୱାସ୍ଥ୍ୟମନ୍ତ୍ରୀ ନିଜ ବିବୃତି ରଖିଥିଲେ ।
ଅନ୍ୟପକ୍ଷରେ ରାଜ୍ୟ ସରକାରଙ୍କ କୋଭିଡ ପରିଚାଳନା ନେଇ କଂଗ୍ରେସ ସରକାରଙ୍କୁ ଘେରିଥିଲା । ରାଜ୍ୟ ସରକାର କରୋନା ତଥ୍ୟ ଲୁଚାଉଥିବା କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କହିଥିଲେ । ପ୍ରଶ୍ନ ପଚାରିଲେ ସରକାର ତଥ୍ୟ ସଂଗ୍ରହ କରୁଛନ୍ତି । ପ୍ରତ୍ୟହ ୧୦ ହଜାର ଆକ୍ରାନ୍ତ ହେଉଛନ୍ତି । କିନ୍ତୁ ସରକାର କହୁଛନ୍ତି ୩ରୁ୪ ହଜାର । ରାଜ୍ୟ ଜନସଂଖ୍ୟାରୁ ୭୨ ଲକ୍ଷ ଲୋକ ପଜିଟିଭ ବାହାରିବେ । ଟିଏମସିରେ କେତେ ଖର୍ଚ୍ଚ ହେଲଶ ଓ କେତେ ଟେଷ୍ଟହେଲା ତାହାର ତଥ୍ୟ ସରକାର ଲୁଚାଉଛନ୍ତି ବୋଲି ଶ୍ରୀ ସାଲୁଜା କହିଥିଲେ । ଏଥିସହ ପ୍ରତି ବ୍ଲକରେ ଦୈନିକ ୫୦୦, ଜିଲ୍ଲାରେ ୫ ହଜାର କୋଭିଡ ଟେଷ୍ଟ କରାଯିବାକୁ ସେ ଦାବି କରିଥିଲେ ।
