ମହାରାଷ୍ଟ୍ର ସଂକ୍ରମଣରେ ୬୧ ପ୍ରତିଶତ ନମୁନାରୁ ଡବଲ ମୁ୍ୟଟାଣ୍ଟ ଭାଇରସ ଚିହ୍ନଟ
ମହାରାଷ୍ଟ୍ର ସଂକ୍ରମଣରେ ୬୧ ପ୍ରତିଶତ ନମୁନାରୁ ଡବଲ ମୁ୍ୟଟାଣ୍ଟ ଭାଇରସ ଚିହ୍ନଟ
admin
4151
ମୁମ୍ବାଇ: କରୋନା ଭାଇରସର ନୂଆ ଷ୍ଟ୍ରେନ ଯୋଗୁଁ ମହାରାଷ୍ଟ୍ରରେ ସଂକ୍ରମଣ ବ୍ୟାପିଥିବା ସନେ୍ଦହ କରାଯାଉଛି । ଇତି ମଧ୍ୟରେ ରାଜ୍ୟର ୬୧ ପ୍ରତିଶତ ନମୁନାରୁ ଡବଲ ମୁ୍ୟଟାଣ୍ଟ ଭାଇରସ ଚିହ୍ନଟ କରାଯାଇଛି । ଜାନୁଆରୀରୁ ମାର୍ଚ୍ଚ ମାସ ମଧ୍ୟରେ ସଂଗ୍ରହ କରାଯାଇଥିବା ମୋଟ ୩୬୧ଟି ପଜିଟିଭ ନମୁନାକୁ ଜେନୋମ ସିକ୍ୱେନ୍ସିଂ କରାଯିବା ପରେ ଏହା ଜଣାପଡ଼ିଛି । ତେବେ ଖୁବ କମ ନମୁନାକୁ ଜେନୋମ ସିକ୍ୱେନ୍ସିଂରେ ଅନ୍ତର୍ଭୁକ୍ତ କରାଯାଉଥିବାରୁ ରାଜ୍ୟରେ ସଂକ୍ରମଣ ବ୍ୟାପିବା ପାଇଁ ଏହା ଦାୟୀ କି ନୁହେଁ ଏହା ସ୍ପଷ୍ଟ ହୋଇନାହିଁ । ରାଜ୍ୟରେ ପ୍ରତ୍ୟେକ ଦିନ ପାଖାପାଖି ୨ ଲକ୍ଷ ନମୁନା ପରୀକ୍ଷା କରାଯାଉଥିବା ବେଳେ ଖୁବ କମ ନମୁନାର ଜେନୋମ ସିକ୍ୱେନ୍ସିଂ କରାଯାଇଛି । ଏଣୁ ରୋଗର ସଠିକ ନିରୁପଣ କରିବାକୁ ରାଜ୍ୟରେ ଜେନୋମ ସିକ୍ୱେନ୍ସିଂ କରିବା ପାଇଁ ଲାବ ସଂଖ୍ୟା ବୃଦ୍ଧି କରିବା ନିହାତି ଆବଶ୍ୟକ ବୋଲି ବିଶେଷଜ୍ଞମାନେ ମତ ଦେଇଛନ୍ତି ।
