ମାଆକୁ ହତ୍ୟା କଲା ପୁଅ

Jul 15, 2019 - 07:04 Updated: Jul 15, 2019 - 07:04

3446

କଟକ: ଜଣେ ନୃଶଂସ ପୁଅର ଟାଙ୍ଗିଆ ଚୋଟରେ ମାଆର ପ୍ରାଣ ଚାଲିଯାଇଛି ।ଏଭଳି ଅଭାବନୀୟ ଘଟଣା ଘଟିଛି କଟକ ଚୈାଦ୍ୱାରର ଗୋପୀନାଥପଡ଼ାରେ । ଆଜି କଟକ ଜିଲ୍ଲା ଚୈାଦ୍ୱା କଖଡ଼ି ବଜାରସାହିରେ ପାରିିବାରିକ କଳହକୁ କେନ୍ଦ୍ର କରି ଏକ ଜଘନ୍ୟ ହତ୍ୟାକାଣ୍ଡ ଘଟିଛି । ପୁଅଟି ମଦ ପିଇ ଘରକୁ ଆସିଥିଲା । ମାଆ ପୁଅକୁ ମଦ ପିଇବାକୁ ନେଇ ତାଗିଦ କରିଥିଲେ । ପରେ ମାଆ ଓ ପୁଅ ମଧ୍ୟରେ ବଚସା ହୋଇଥିଲା । ଏହା ପରେ ମଦ୍ୟପ ପୁଅ ପ୍ରକାଶ ଦେହୁରୀ ରାଗିଯାଇଥିଲା । ଫଳରେ ଜଣେ ସ୍ନେହମୟୀ ମାଁକୁ ଆଜି ତାର ପିଚାଶ ପୁଅ ଅତି ନିର୍ମମ ଭାବେ ଟାଙ୍ଗିଆରେ ହାଣି ହତ୍ୟା କରିଛି । ମୃତ ମହିଳା ଜଣକ ସାବି ଦେହୁରୀ । ଘଟଣା ଭିଆଇବା ପରେ ଘଟଣାସ୍ଥଳରୁ ଅଭିଯୁକ୍ତ ପୁଅ ଫେରାର ହୋଇଯାଇଛି । ପୋଲିସ ଖବର ପାଇଁ ଘଟଣାସ୍ଥଳରେ ପହଂଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ପୋଲିସ ତଦନ୍ତ ଆରମ୍ଭ କରିବା ସହ ହତ୍ୟାକାରୀ ପୁଅକୁ ଖୋଜିବାକୁ ପ୍ରୟାସ ଜାରି କରିଛି ।