ମିଗ-୨୯କେ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ
ମିଗ-୨୯କେ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ
admin
3684
ନୂଆଦିଲ୍ଲୀ: ଗୋଆରେ ବାୟୁସେନାର ମିଗ-୨୯କେ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ ହୋଇଛି । ପ୍ରଶିକ୍ଷଣ ବେଳେ ଏହା ଦୁର୍ଘଟଣାଗ୍ରସ୍ତ ହୋଇଛି । ତେବେ ବିମାନରେ ଥିବା ୨ ଜଣ ପାଇଲଟଙ୍କୁ ସୁରକ୍ଷିତଭାବେ ଉଦ୍ଧାର କରାଯାଇଛି । ବିମାନରେ ଏକ ପକ୍ଷୀ ମାଡ ହେବା ଫଳରେ ଇଂଜିନରେ ନିଆଁ ଲାଗିଯାଇଥିବାରୁ ଲଢୁଆ ବିମାନଟି ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି । ତେବେ ବିମାନରେ ଥିବା ଦୁଇ ପାଇଲଟ କ୍ୟାପଟେନ ଏମ୍ ସୁଇଖଣ୍ଡ ଓ ଲେଫ୍ଟନାଂଟ କମାଣ୍ଡର ଦୀପକ ଯାଦବ ସୁରକ୍ଷିତ ଭାବେ ପାଚାରୁଟରେ ଅବତରଣ କରିଯାଇଛନ୍ତି । ତେବେ ଏହି ବିମାନଟି ତାଲିମ ଭର୍ସନର ଥିଲା ବୋଲି ଜଣାପଡିଛି।
ନୌସେନା ମୁଖପାତ୍ର କମାଣ୍ଡର ବିବେକ ମାଧବଲ କହିଛନ୍ତି ଯେ ଗୋଆର ଆସରୋ ଅଂଚଳରୁ ବିମାନଟି ଉଡାଣ ଭରିଥିବାବେଳେ ଏଥିରେ ଏକ ପକ୍ଷୀ ମାଡ ହୋଇଯାଇଥିଲା । ଯାହାଫଳରେ ଇଂଜିନରେ ନିଆଁ ଲାଗିଯାଇଥିଲା । ବିମାନଟି ଖୋଲା ସ୍ଥାନରେ ଦୁର୍ଘଟଣାଗ୍ରସ୍ତ ହୋଇଥିବାରୁ କେହି ବି ମୃତାହତ ହୋଇନଥିବାର ସେ ସ୍ପଷ୍ଟ କରିଛନ୍ତି ।
