ଲକଡାଉନ ସମୟରେ ପରିବାକୁ ଅଧିକ ସତେଜ ରଖିବାର ଉପାୟ।
ଲକଡାଉନ ସମୟରେ ପରିବାକୁ ଅଧିକ ସତେଜ ରଖିବାର ଉପାୟ।
admin
3692
ଲକଡାଉନ ସମୟରେ ସମସ୍ତ ବର୍ଗର ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି । ବାହାରକୁ ଯଥା ସମ୍ଭବ କମ ବାହାରିବା ଉଚିତ । ଏପରି ସ୍ଥଳେ ଗୃହିଣୀଙ୍କ ମୁଖ୍ୟ ଚିନ୍ତା ପନିପରିବାକୁ ଅଧିକ ଦିନ ସତେଜ କିପରି ରଖାଯାଇପାରିବ?
କଞ୍ଚାଲଙ୍କାର ଡେମ୍ଫ ଛିଣ୍ଡାଇ ତାହାକୁ ଭଲ ଭାବେ ପରିଷ୍କାର କରିବା ପରେ ଏକ ଏୟାର ଟାଇଟ ଡବାରେ ଭର୍ତ୍ତି କରି ଫ୍ରିଜରେ ରଖିଦିଅନ୍ତୁ । ଏଭଳି ଉପାୟରେ କଞ୍ଚା ଲଙ୍କା ୨ ମାସ ପର୍ଯ୍ୟନ୍ତ ରହିପାରିବ ।
ଟମାଟୋ, ସ୍ୱାସ୍ଥ୍ୟ ପାଇଁ ହିତକାରୀ ଏଇ ପରିବାକୁ ଯଥା ଉପାୟରେ ରଖିଲେ ୧ ମାସ ପର୍ଯ୍ୟନ୍ତ ରହିପାରିବ । ପ୍ରଥମେ ଟମାଟୋକୁ ଧୋଇ ଏକ ସୂତା କପଡ଼ାରେ ପୋଛି ନେବେ । ଏବେ ପରିବାକୁ ଫାଳଫାଳ କାଟି ଫ୍ରିଜରେ ରଖନ୍ତୁ । ୨୦ ମିନିଟ ପରେ ବାହାର କରି ଜିପ୍-ଲକ ବ୍ୟାଗରେ ରଖି ସେଥିରୁ ସମସ୍ତ ଏୟାର ବାହାର କରିନେବେ ।
ସବୁଜ ମଟରକୁ ୬ ମାସ ସାଇତି ରଖିବା ନିମନ୍ତେ ପାଣି ଗରମ କରିନେବେ । ସେଥିରେ ମଟର ପକାଇ ଫୁଟାଇ ନିଅନ୍ତୁ । ଏବେ ସେହି ମଟରକୁ ବରଫ ପାଣିରେ କିଛି ସମୟ ରଖି ପରେ ବାହାର କରି ଜିପ୍ ଲକ୍ ବ୍ୟାଗରେ ଭର୍ତ୍ତି କରି ଫ୍ରିଜରେ ରଖିବେ ।
ଧନିଆ ପତ୍ର ଓ ପୋଦିତା ପତ୍ରକୁ ଭଲ ଭାବେ ପରିଷ୍କାର କରି ପୋଛି ନେବେ । ପରେ ସଫା କାଗଜରେ ଧନିଆ ପୋଦିନା ପତ୍ରକୁ ଗୁଡ଼ାଇ ଫ୍ରିଜରେ ଏକ ଡବାରେ ରଖିଦିଅନ୍ତୁ । ଏହି ପରି ସେଗୁଡ଼ିକୁ ୧ ମାସ ପର୍ଯ୍ୟନ୍ତ ସତେଜ ରହିବ ।
ରସୁଣକୁ ଭଲ ଭାବେ ଧୋଇ ଶୁଖାଇ ଏହାର ଚୋପା ଛଡ଼ାଇ ଏକ ଡବାରେ ଭର୍ତ୍ତି କରି ୧ ମାସ ପର୍ଯ୍ୟନ୍ତ ଫ୍ରିଜରେ ରଖି ବିଭିନ୍ନ ବ୍ୟଞ୍ଜନରେ ବ୍ୟବହାର କରିପାରିବେ ।
