ଅଭିନେତ୍ରୀ ଖୁସବୁ ସୁନ୍ଦରଙ୍କୁ ବିଜେପି ଟିକଟ

Mar 15, 2021 - 11:53 Updated: Mar 15, 2021 - 11:53

3449

ଚେନ୍ନାଇ: ତାମିଲନାଡୁ ବିଧାନସଭା ନିର୍ବାଚନ ପାଇଁ ବିଜେପି ରବିବାର ୧୭ ଜଣିଆ ପ୍ରାର୍ଥୀ ତାଲିକା ଘୋଷଣା କରିଛି । ଘୋଷିତ ପ୍ରାର୍ଥୀ ତାଲିକା ଅନୁଯାୟୀ ଦଳର ରାଜ୍ୟ ସଭାପତି ଏଲ ମୁରୁଗାନ ଧରମପୁର ଆସନରୁ ନିର୍ବାଚନ ଲଢ଼ିବେ । ସେହିପରି ଅଭିନେତ୍ରୀ ଖୁସବୁ ସୁନ୍ଦର ଚେନ୍ନାଇର ଥାଉଜଣ୍ଡ ଲାଇଟସ ଆସନରୁ ନିର୍ବାଚନ ଲଢ଼ିବେ । ଥାଉଜଣ୍ଡ ଲାଇଟସ ଆସନରୁ ଡିଏମକେର ବିଧାୟକ ଥିବା କୁକା ସେଲଭମ ନିକଟରେ ବିଜେପିରେ ଯୋଗ ଦେଇଥିଲେ । ସେଲଭମଙ୍କୁ ବିଜେପି ଏଠାରେ ପ୍ରାର୍ଥୀ କରିଚି ବୋଲି ଆଲୋଚନା ହେଉଥିଲା । ମାତ୍ର ଦଳ ଖୁସବୁଙ୍କୁ ଟିକଟ ଦେଇଛି । ଖୁସବୁ ମଧ୍ୟ ନିକଟରେ କଂଗ୍ରେସ ଛାଡ଼ି ବିଜେପିରେ ଯୋଗ ଦେଇଛନ୍ତି । ପୂର୍ବତନ ଆଇପିଏସ ତଥା ବିଜେପିରେ ଉପାଧ୍ୟକ୍ଷ କେ ଅନାମଲାଇଙ୍କୁ ଅରାବକୁରିଚିରୁ ପ୍ରାର୍ଥୀ ହୋଇଛନ୍ତି ।