ଆଜି ଓଡିଶା ଗସ୍ତରେ ଆସୁଛନ୍ତି ମୋଦୀ
ଆଜି ଓଡିଶା ଗସ୍ତରେ ଆସୁଛନ୍ତି ମୋଦୀ
admin
2760
ଭୁବନେଶ୍ବର: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡିଶା ଗସ୍ତରେ ଆସୁଛନ୍ତି । ସେ ଜୟପୁରରେ ଦଳୀୟ କର୍ମୀଙ୍କୁ ଉଦବେଧନ ଦେବେ । ମୋଦିଙ୍କ ଏହି ସଭାରୁ ରାଜ୍ୟରେ ବିଜେପିର ନିର୍ବାଚନୀ ପ୍ରଚାରର ଶୁଭାରମ୍ଭ ହେବ । କିନ୍ତୁ ମୋଦି ଜୟପୁର ଆସିବା ପୂର୍ବରୁ ଟ୍ବିଟ୍ କରି ତାଙ୍କ ଆଭିମୁଖ୍ୟ ସ୍ପଷ୍ଟ କରିଛନ୍ତି । ଉଭୟ ବିଜୁ ଜନତା ଦଳ ଏବଂ କଂଗ୍ରେସକୁ ଟାର୍ଗେଟ୍ କରିଛନ୍ତି । ଯାହା ଆଜି ସାଧାରଣ ସଭାରେ ପ୍ରତିଫଳିତ ହେବା ନେଇ ସ୍ପଷ୍ଟ ସୂଚନା ମିଳୁଛି ।
ଓଡିଶାର ପ୍ରିୟ ଭାଇ ଓ ଭଉଣୀମାନେ । କୋରାପୁଟ ଜିଲ୍ଲାରେ ଏକ ସାଧାରଣ ସଭାରେ ଆପଣମାନଙ୍କ ସହ କଥା ହେବା ପାଇଁ ମୁଁ ଉତ୍ସାହିତ। ବିଜେଡି ରାଜ୍ୟର ସାଧାରଣ ଜନତାଙ୍କ ଆକାଂକ୍ଷା ପୂରଣ କରିବାରେ ବିଫଳ ଓ କଂଗ୍ରେସ ବିରୋଧୀ ଦଳର ଭୂମିକା ନେବାରେ ବ୍ୟର୍ଥ ଓଡ଼ିଶା ଏକ ଭଲ ସରକାର ପାଇଁ ହକଦାର ଓ ବିଜେପି ଏହା ପୂରଣ କରିବ।
ମୋଦିଙ୍କ ଏହି ଟ୍ବିଟ୍ ରୁ ଜୟପୁର ସଭାରେ ମୋଦି ଯେ ବିଜେଡି ଉପରେ ବର୍ଷିବେ ଏହା ସ୍ପଷ୍ଟ ହୋଇଛି । ଓଡିଶା ଏକ ଭଲ ସରକାର ପାଇଁ ହକଦାର । କେବଳ ବିଜେପି ହିଁ ଏହାକୁ ପୂରଣ କରିପାରିବ ବୋଲି ମୋଦୀ କହିଛନ୍ତି । ଅବିଭକ୍ତ କୋରାପୁଟ ଜିଲ୍ଲାର ୧୪ଟି ବିଧାନସଭାମଣ୍ଡଳୀକୁ ଟାର୍ଗେଟ୍ କରି ଆଜି ଜୟପୁରଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ବାଚନୀ ଆୟୋଜନ କରାଯାଇଛି। ନିର୍ବାଚନ ବିଜ୍ଞପ୍ତି ପରେ ନରେନ୍ଦ୍ର ମୋଦିଙ୍କର ଏହା ପ୍ରଥମ ଓଡିଶା ଗସ୍ତ । ଏହାପରେ ମୋଦି ୨ତାରିଖ ଦିନ ପୁଣି ଓଡିଶା ଆସି କଳାହାଣ୍ଡିରେ ନିର୍ବାଚନୀ ସଭା କରିବେ ।
