କମ ଶୋଇବା ଦ୍ୱାରା କ୍ୟାନସର ହେବାର ରହିଛି ସମ୍ଭାବନା
କମ ଶୋଇବା ଦ୍ୱାରା କ୍ୟାନସର ହେବାର ରହିଛି ସମ୍ଭାବନା
admin
5324
ସୁସ୍ଥ ରହିବା ପାଇଁ ଭଲ ଏବଂ ଭରପୁର ନିଦ ନିହାତି ଆବଶ୍ୟକ । ତେବେ ବହୁତ କମ ଲୋକମାନେ ଜାଣିଥିବେ ଯେ, ଭଲ ସ୍ୱାସ୍ଥ୍ୟ ପାଇଁ ଜଣେ ବ୍ୟକ୍ତିଙ୍କୁ କେତେ ଘଣ୍ଟା ଶୋଇବା ନିହାତି ଆବଶ୍ୟକ । ଯଦି ଆପଣ ୭ ଘଣ୍ଟାରୁ କମ ସମୟ ଶୋଉଛନ୍ତି, ତେବେ ଏହା ଆପଣଙ୍କ ପାଇଁ ଚିନ୍ତାର ବିଷୟ ଅଟେ । ନିକଟରେ ହୋଇଥିବା ଏକ ଅଧ୍ୟୟନରୁ ଏଭଳି କିଛି ସାଂଘାତିକ ତଥ୍ୟ ସାମ୍ନାକୁ ଆସିଛି । ବୈଜ୍ଞାନିକମାନଙ୍କ କହିବା ଅନୁସାରେ, ୭ ଘଣ୍ଟାରୁ କମ ସମୟ ଶୋଇବା ଦ୍ୱାରା ମନୁଷ୍ୟର ଡିଏନଏ ସବୁଦିନ ପାଇଁ ନଷ୍ଟ ହୋଇଯିବାର ସମ୍ଭାବନା ରହିଛି । ଏହା ସହ କ୍ୟାନସର ଭଳି ଘାତକ ରୋଗ ହେବାର ମଧ୍ୟ ସମ୍ଭାବନା ରହିଛି ।
ଅଧ୍ୟୟନରୁ ଏହା ମଧ୍ୟ ଜଣାପଡିଛି ଯେ, କମ ଶୋଇବା ଦ୍ୱାରା ଶରୀରରେ ଡିଏନଏ ସୃଷ୍ଟି ହେବାର କ୍ଷମତା ମଧ୍ୟ କମି ଯାଇଥାଏ, ଯେଉଁଥିପାଇଁ ବଂଶଗତ ରୋଗ ବଢିବାର ସମ୍ଭାବନା ଅଧିକ ରହିଥାଏ । ତେବେ ସବୁଠାରୁ ବଡ କଥା ହେଉଛି, ଏହି ଅଧ୍ୟୟନ ସେହି ଡାକ୍ତର ମାନଙ୍କ ଠାରେ କରାଯାଇଛି, ଯେଉଁମାନେ ନାଇଟ୍ ସିଫ୍ଟ କାରଣରୁ ଭଲ ଭାବେ ଶୋଇପାରିନଥାନ୍ତି । ବିଶେଷଜ୍ଞମାନଙ୍କ କହିବା କଥା, ଭଲ ସ୍ୱାସ୍ଥ୍ୟ ପାଇଁ ୭ ଘଣ୍ଟା ଶୋଇବା ନିହାତି ଆବଶ୍ୟକ । ତେବେ ଏହି ରିସର୍ଚ୍ଚ ୟୁନିଭରସିଟି ଅଫ ହଂଗକଂଗର ବୈଜ୍ଞାନିକମାନଙ୍କ ଦ୍ୱାରା କରାଯାଇଛି । ଆଉ ଏହି ଅଧ୍ୟୟନରେ ୨ଟି ହସ୍ପିଟାଲର ୪୯ ଜଣ ଡକ୍ଟରଙ୍କୁ ସାମିଲ କରାଯାଇଥିଲା ।
