ଦିନେ ଥିଲେ ଭିକାରୀ ଆଜି କୋଟିପତି
ଦିନେ ଥିଲେ ଭିକାରୀ ଆଜି କୋଟିପତି
admin
Jan 22, 2020 - 05:51
Updated: Jan 22, 2020 - 05:51
ଉତ୍ତରପ୍ରଦେଶ ସ୍ଥିତ ଆଜମଗଡ଼ ନିବାସୀ ଧନଞ୍ଜୟ ଠାକୁର ହରିୟାଣାରେ ଥିବା ଅମ୍ବାଲା କ୍ୟାଣ୍ଟର ଏକ ପୁରୁଣା ମଣ୍ଡି ନିକଟରେ ପ୍ରାୟ ଦୁଇ ବର୍ଷ ହେବ ଭିକ ମାଗୁଥିଲେ । ତାଙ୍କ ମାନସିକ ଅବସ୍ଥା ଠିକ୍ ନଥିଲା । ଅତ୍ୟଧିକ ନିଶା ସେବନ କାରଣରୁ ତାଙ୍କ ମାନସିକ ଅବସ୍ଥା ଖରାପ ହୋଇଯାଇଥିଲା । ଭିକ ମାଗିବା ସମୟରେ ଦିନେ ଧନଞ୍ଜୟଙ୍କ ଗୋଡ଼ରେ ଗଭୀର କ୍ଷତ ସୃଷ୍ଟି ହୋଇଥିଲା । ସ୍ଥାନୀୟ ଗୀତା ଗୋପାଳ ସଂସ୍ଥା ତାଙ୍କର ଚିକିତ୍ସା କରିଥିଲେ । ସଂସ୍ଥାର ଜଣେ ସଦସ୍ୟ ଧନଞ୍ଜୟଙ୍କୁ ନାମ ପଚାରିଥିଲ । ମାନସିକ ଅବସ୍ଥା ଖରାପ ଥିବା କାରଣରୁ ତାଙ୍କର କିଛି ମନେ ନଥିଲା । କିନ୍ତୁ ଘରର ଟେଲିଫୋନ ନମ୍ବର ମନେ ଥିଲା । ସଦସ୍ୟ ଜଣଙ୍କ ଏହା ଜାଣିବା ପରେ ସେହି ନମ୍ବରକୁ କଲ କରିଥିଲେ । ଏହା ପରେ ଧନଞ୍ଜୟଙ୍କ ବାସ୍ତବ ପରିଚୟ ମିଳିଥିଲା । ତାଙ୍କ ପିତା କୋଲକତାରେ ଏକ ବଡ଼ କମ୍ପାନୀରେ ଏଚଆର । ଏହା ସହିତ ଧନଞ୍ଜୟଙ୍କ ନିଜର ୟୁପିରେ ଏକ କମ୍ପାନୀ ମଧ୍ୟ ରହିଛି । ତାଙ୍କର ଦୁଇ ଜଣ ଭଉଣୀ ଅଛନ୍ତି । ଘରର ଏକମାତ୍ର ପୁଅ ଥିବାରୁ ତାଙ୍କୁ ସମସ୍ତେ ସ୍ନେହ କରନ୍ତି । ଗ୍ରାଜୁଏସନ ପାଠ ପଢ଼ିବା ସମୟରୁ ଧନଞ୍ଜୟ ନିଶା ସେବନ କରିବା ଆରମ୍ଭ କରିଦେଇଥିଲେ । ପରବର୍ତ୍ତୀ ସମୟରେ ନିଶା ସେବନ କରିବା ତାଙ୍କର ଅଭ୍ୟାସ ପାଲଟି ଯାଇଥିଲା । ଫଳରେ ତାଙ୍କ ମାନସିକ ଅବସ୍ଥା ଖରାପ ହେବାକୁ ଲାଗିଲା । ଦିନେ ସେ ଘରୁ କେଉଁ ଆଡକୁ ଚାଲିଯାଇଥିଲେ । ଘର ଲୋକେ ବହୁ ଖୋଜା ଖୋଜି ପରେ ମଧ୍ୟ ତାଙ୍କ ପତ୍ତା ପାଇନଥିଲେ । ଧନଞ୍ଜୟଙ୍କ ଖବର ମିଳିବା ପରେ ଭାଇଙ୍କୁ ନେବାକୁ ଦୁଇ ଭଉଣୀ ଏବଂ ତାଙ୍କ ଦାଦା ହରିୟାଣାରୁ ଦୌଡ଼ି ଆସିଥିଲେ । ମର୍ସିଡିଜ୍ କାରରେ ବସାଇ ଭାଇଙ୍କୁ ଘରକୁ ନେଇଯାଇଥିଲେ ।