ନନ୍ଦନକାନନର ୬୧ତମ ପ୍ରତିଷ୍ଠା ଦିବସରେ ଆସିବେ ନୂଆ ୯ଜଣ ଜୀବଜନ୍ତୁ
ନନ୍ଦନକାନନର ୬୧ତମ ପ୍ରତିଷ୍ଠା ଦିବସରେ ଆସିବେ ନୂଆ ୯ଜଣ ଜୀବଜନ୍ତୁ
admin
3020
ବାରଙ୍ଗ:ଆସନ୍ତା ୨୯ତାରିଖରେ ନନ୍ଦନକାନନ ପ୍ରାଣୀ ଉଦ୍ୟାନର ପ୍ରତିଷ୍ଠା ଦିବସ । ଏଥି ସହିତ ପର୍ୟ୍ୟଟନ ଋତୁ ଆରମ୍ଭ ହୋଇଛି । ପର୍ୟ୍ୟଟକଙ୍କ ଆକୃଷ୍ଟ କରିବା ପାଇଁ ନନ୍ଦନକାନନ ପରିସରରେ ବିଭିନ୍ନ ରଙ୍ଗ କାମ ଓ ସଯସଜ୍ଜା କରାଯାଉଛି । ନୂତନ ଜୀବଜନ୍ତୁ ଅଦଳବଦଳ ପ୍ରକ୍ରିୟାରେ ଆଣିବା ପାଇଁ କତ୍ତୃପକ୍ଷ ଅଣ୍ଟା ଭିଡିଛନ୍ତି । କରୋନା ସଂକ୍ରମଣ କାରଣରୁ ପୂର୍ବରୁ ଆସିବାକୁ ଥିବା ଜୀବଜନ୍ତୁଙ୍କୁ ଆଣିବା ସମ୍ଭବପର ହୋଇନଥିଲା ।
ନନ୍ଦନକାନନ ପ୍ରାଣୀ ଉଦ୍ୟାନ କତ୍ତୃପକ୍ଷ ଚଳିତ ମାସ ୨୦-୨୧ତାରିଖ ମଧ୍ୟରେ ଅଦଳବଦଳ ପ୍ରକ୍ରିୟାରେ ୫ଟି ପ୍ରଜାତିର ୧୩ଗୋଟି ଜୀବଜନ୍ତୁଙ୍କୁ ଦେଇ ମଧ୍ୟପ୍ରଦେଶ ଇନ୍ଦୋର କମଳା ନେହେରୁ ପ୍ରାଣୀଉଦ୍ୟାନ ଦେଇଛି ଗୋଟିଏ ଭାରତୀୟ ମାଈ ଧଳା ବାଘ, ଗୋଟିଏ ଅଣ୍ଡିରା ଅଧିକ କଳା ଲୋମଯୁକ୍ତ ଭାରତୀୟ ବାଘ ଦୁଇଟି ଅଣ୍ଡିରା ଓ ଗୋଟିଏ ମାଈ ଘଡ଼ିଆଳ କୁମ୍ଭୀର, ଦୁଇଟି ଅଣ୍ଡିରା ଦୁଇଟି ମାଈ ଗୋଲଡେନ୍ ପିଜେଣ୍ଟ ଓ ଦୁଇଟି ଅଣ୍ଡିରା,ଦୁଇଟି ମାଈ ସିଲଭର ପିଜେଣ୍ଟ ।
ଏହାର ବଦଳରେ ନନ୍ଦନକାନନକୁ ଆସିବେ ଦୁଇଟି ଭାରତୀୟ ସିଂହ, ଦୁଇଟି ଅଣ୍ଡିରା ଗୋଟିଏ ମାଈ ଘଡ଼ିଆଳ କୁମ୍ଭୀର,ଭାରତୀୟ ଗଧିଆ ଦୁଇଟି,ମାଈ ଭାରତୀୟ କୋକିସିଆଳି । ଏହିସବୁ ଜୀବଜନ୍ତୁ ଦଶ ଦିନ ମଧ୍ୟରେ ଆସି ପହଞ୍ଚିବେ ବୋଲି ସୂଚନା ମିଳିଛି । ଏଠାରେ ସୂଚନାଯୋଗ୍ୟ ମଧ୍ୟପ୍ରଦେଶ ଇନ୍ଦୋର କମଳା ନେହେରୁ ପ୍ରାଣୀ ସଂଗ୍ରହାଳୟ ଓ ନନ୍ଦନକାନନ ପ୍ରାଣୀଉଦ୍ୟାନ ସହିତ ପଶୁ ବିନିମୟ ପାଇଁ ପଥ ସୁଗମ ହୋଇଛି । ଯାହାଫଳରେ ଆଗାମୀ ଦିନରେ ପର୍ୟ୍ୟଟକଙ୍କୁ ଆକୃଷ୍ଟ ପାଇଁ ବିଭିନ୍ନ ଜୀବଜନ୍ତୁ ଅଣାଯାଇପାରିବା।
ଅନ୍ୟପକ୍ଷରେ ନନ୍ଦନକାନନ ଉଦ୍ଭିଦ ଉଦ୍ୟାନ ପ୍ରତି ପର୍ୟ୍ୟଟକଙ୍କୁ ଆକୃଷ୍ଟ କରିବା ପାଇଁ ମଧ୍ୟ ପ୍ରସ୍ତୁତ ଜୋରଦାର କରାଯାଇଛି । ଉଦ୍ଭିଦ ଉଦ୍ୟାନ ଭିତରେ ବଗିଚା ଗୁଡିକୁ ନୂତନତ୍ୱ ଦେବା ସହିତ ନୂଆନୂଆ ଫୁଲଗଛ ଲଗାଯାଇଛି । ଭିତରରେ ଥିବା ବଗିଚାଗୁଡିକୁ ବିଭିନ୍ନ ଡିଜାଇନରେ ସଜାଯାଇଛି ।
