ପାରାଦୀପରେ ଦିଲ୍ଲିପଙ୍କୁ ଶ୍ରଦ୍ଧାଞ୍ଜଳୀ
ପାରାଦୀପରେ ଦିଲ୍ଲିପଙ୍କୁ ଶ୍ରଦ୍ଧାଞ୍ଜଳୀ
admin
6283
ପାରାଦୀପ- (ଲକ୍ଷ୍ମୀନାରାୟଣ ସାହୁ) : ପ୍ରେସ୍ କ୍ଲବ୍ କାର୍ଯ୍ୟାଳୟ ପରିସରରେ ପାରାଦୀପ ପ୍ରେସ୍ ମିଡିଆ ସଂଘ ପକ୍ଷରୁ ବରିଷ୍ଠ ସାମ୍ବାଦିକ ତଥା ଅର୍ଥନିତିଜ୍ଞ ସ୍ୱର୍ଗତଃ ଦିଲିପ୍ ଶତପଥୀଙ୍କ ଶ୍ରଦ୍ଧାଂଜଳୀ ସଭା ଅନୁଷ୍ଠିତ ହୋଇଯାଇଛି । ସ୍ୱର୍ଗତଃ ଶତପଥୀ ଜଣେ ନିର୍ଭିକ, ନିରପେକ୍ଷ ଓ ସାହାସି ସାମ୍ବାଦିକ ଭାବେ ପରିଚିତ ଥିଲେ । ତାଙ୍କର ଅର୍ଥନିତୀ ଉପରେ ଗଭିର ଜ୍ଞାନ ରହିଥିଲା । ସେ ବିଜ୍ନେସ୍ ଷ୍ଟାଣ୍ଡାର୍ଡର ଓଡିଶା ବ୍ୟୁରୋଚିଫ୍ ଭାବେ କାର୍ଯ୍ୟ କରୁଥିଲେ । ତାଙ୍କର ପ୍ରବନ୍ଧ ବିଭିନ୍ନ ଖବର କାଗଜରେ ଆଦୃତ ହେଉଥିଲା । ଏହାସହ ସେ ବିଭିନ୍ନ ବୈଦ୍ୟୁତିକ ଗଣମାଧ୍ୟମର ବିତର୍କରେ ଅଂଶ ଗ୍ରହଣ କରୁଥିଲେ । ସାମ୍ବାଦିକତା କ୍ଷେତ୍ରରେ ତାଙ୍କର ଦାନ ଅତୁଳନିୟ ବୋଲି ଉପସ୍ଥିତ ଗଣମାଧ୍ୟମ ପ୍ରତିନିଧୀ ମାନେ ବକ୍ତବ୍ୟ ରଖିଥିଲେ । ସଂଘର ମୁଖ୍ୟ ଉପଦେଷ୍ଠା ତଥା ସାମ୍ବାଦିକ ଚିତ ରଂଜନ ସ୍ୱାଇଁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଶ୍ରଦ୍ଧାଂଜଳି ସଭାରେ ପାରାଦୀପ ପ୍ରେସ୍ ମିଡିଆ ସଂଘର ସଭାପତି ବସନ୍ତ କୁମାର ସାହୁ, ପରିଚାଳନା ସଭାପତି ମହେନ୍ଦ୍ର ପରିଡା, ସାଧାରଣ ସଂପାଦକ ବଟକୃଷ୍ନ ଦାସ, ସହ ସଂପାଦକ ମନୋଜ କୁମାର ଦାସ, କୋଷାଧକ୍ଷ ସୁରେନ୍ଦ୍ର କୁମାର ବିଶ୍ୱାଳ, ଆଇନ୍ ପରାମର୍ଶଦାତା ଅରୁଣ କୁମାର ସ୍ୱାଇଁ, ଉପଦେଷ୍ଠା ସୁଧିର ରଂଜନ ଦାଶ, କର୍ମେଶ୍ୱର ସ୍ୱାଇଁ, ଅଜିତ୍ କୁମାର ଦାସ, ଭୃଗୁ ପ୍ରସାଦ ବେହେରା, ଜଗଦାନନ୍ଦ ସାହୁ, ଶୁସିଲ୍ ପଟନାୟକ, ପର୍ଶୁରାମ ମନ୍ତ୍ରୀ, ସମିର କୁମାର ମହାନ୍ତୀ ପ୍ରମୁଖ ଗଣମାଧ୍ୟମ ପ୍ରତିନିଧୀମାନେ ଉପସ୍ଥିତ ରହିଥିଲେ । ସ୍ୱର୍ଗତଃ ଶତପଥୀ ତାଙ୍କ ଜୀବନକାଳ ବ୍ୟାପି ସାମ୍ବାଦିକତା କ୍ଷେତ୍ରରେ ଯେଉଁସବୁ ସ୍ମୃତି ଛାଡିଯାଇଛନ୍ତି ସେ ସଂପର୍କରେ ଆଲୋଚନା କରାଯାଇଥିଲା । ଏହି ସଭାରେ ପାରାଦୀପର ବିଭିନ୍ନ ବର୍ଗର ବ୍ୟକ୍ତି, ସମାଜସେବୀ ଓ ବୁଦ୍ଧିଜିବୀ ସାମିଲ ହୋଇ ସ୍ୱର୍ଗତଃ ସତପଥୀଙ୍କୁ ଶ୍ରଦ୍ଧାସମନ ଅର୍ପଣ କରିଥିଲେ । ପାରାଦୀପ ପ୍ରେସ୍ ମିଡିଆ ପକ୍ଷରୁ ତାଙ୍କ ସମ୍ମାନାର୍ଥେ ନିରବ ପ୍ରାର୍ଥନା କରାଯିବାସହ ପୁଷ୍ପଗୁଛ ଦେଇ ତାଙ୍କ ଅମର ଆତ୍ମାର ସଦ୍ଗତୀ କାମନା କରାଯାଇଥିଲା ।
