ଛାତ୍ରୀ ନିବାସରେ ଗର୍ଭବତୀ ହେଲେ ନାବାଳିକା

Jul 19, 2019 - 09:41 Updated: Jul 19, 2019 - 09:41

3549

କନ୍ଧମାଳ: ଛାତ୍ରୀ ନିବାସରେ ଅସୁରକ୍ଷିତ ଛାତ୍ରୀ । ପୁଣି ସାମ୍ନାକୁ ଆସିଲା ଆଦିବାସୀ ସେବାଶ୍ରମରେ ଛାତ୍ରୀ ଗର୍ଭବତୀ ଘଟଣା । କନ୍ଧମାଳ, ଢେଙ୍କାନାଳରେ ଏପରି ସଙ୍ଗୀନ ଘଟଣା ମନରୁ ଲିଭି ନଥିବା ବେଳେ ପୁଣି କନ୍ଧମାଳ ଜିଲ୍ଲାରେ ଏପରି ଆଉ ଏକ ଘଟଣା ସାମ୍ନାକୁ ଆସିଛି । ବେଲଘର ଅଂଚଳରେ ଥିବା ଏକ ଛାତ୍ରୀ ନିବାସରେ ଜଣେ ନାବାଳିକା ଗର୍ଭବତୀ ହୋଇଥିବା ଜଣାପଡିଛି । ସୂଚନାନୁସାରେ, ବାଲିଗୁଡା ଅଂଚଳରେ ଥିବା ବେଳଘର ଠାରେ ଏକ ଆଦିବାସୀ ସେବାଶ୍ରମ ରହିଛି । ଆଜି ଏହି ସେବାଶ୍ରମର ଜଣେ ଛାତ୍ରୀ ଗର୍ଭବତୀ ହୋଇଥିବା ଜଣାପଡିଥିଲା । ଘଟଣା ସାମ୍ନାକୁ ଆସିବା ପରେ ସେବାଶ୍ରମର ପ୍ରଧାନଶିକ୍ଷକ ଥାନାରେ ଏତଲା ଦେଇଥିଲେ । ପୋଲିସ ଏତଲା ଆଧାରରେ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତଜଣଙ୍କ ଏକ କଲେଜ ଛାତ୍ର ବୋଲି ଜଣାପଡିଛି ।