ବିନା ଶ୍ରଦ୍ଧାଳୁରେ ଏବର୍ଷ ହେବ ଚନ୍ଦ୍ରଭାଗା ବୁଡ
ବିନା ଶ୍ରଦ୍ଧାଳୁରେ ଏବର୍ଷ ହେବ ଚନ୍ଦ୍ରଭାଗା ବୁଡ
admin
2145
ଭୁବନେଶ୍ୱର: କରୋନା ସବୁ ପର୍ବ ପର୍ବାଣୀରେ ଲକ୍ଷ୍ମଣରେଖା ଟାଣି ଦେଇଛି । ଏବେ ଶ୍ରୀମନ୍ଦିର ଠାରୁ ନେଇ ଲିଙ୍ଗରାଜ ମନ୍ଦିରଙ୍କ ପର୍ଯ୍ୟନ୍ତ ସବୁ ମନ୍ଦିର ଖୋଲି ସାରିଲାଣି । କରୋନା କଟକଣା ଭିତରେ ଭକ୍ତମାନେ ପ୍ରଭୁଙ୍କ ଦର୍ଶନ କରୁଥିବାବେଳେ ପର୍ଯ୍ୟଟନ କ୍ଷେତ୍ର ଗୁଡିକରେ ମଧ୍ୟ ଧିରେ ଧିରେ ଭିଡ ଜମିବାରେ ଲାଗିଛି ।
ଏସବୁ ଭିତରେ ଚଳିତ ବର୍ଷ ଚନ୍ଦ୍ରଭାଗା ବୁଡ ଉତ୍ସବ ହେବକି ନାହିଁଁ ସେନେଇ କଳ୍ପନାଜଳ୍ପନା ହୋଇଆସୁଥିଲା । ତେବେ ଚନ୍ଦ୍ରଭାଗା ବୁଡର ପରମ୍ପରା ରକ୍ଷା କରିବା ପାଇଁ ଉତ୍ସବ ପାଳନ କରାଯିବ । କିନ୍ତୁ ଶ୍ରଦ୍ଧାଳୁମାନଙ୍କୁ ଚନ୍ଦ୍ରଭାଗା ବୁଡ ପାଇଁ ଅନୁମତି ମିଳିବ ନାହିଁଁ । ଶୋଭାଯାତ୍ରାରେ ୫୦୦ ଜଣଙ୍କୁ ଯିବା ପାଇଁ ଅନୁମତି ପ୍ରଦାନ କରାଯାଇଛି । ଠାକୁରଙ୍କ ସହ ଏହି ଶ୍ରଦ୍ଧାଳୁମାନେ ବୁଡ ପକାଇ ପାରିବେ । କୋଭିଡ କଟକଣା ଭିତରେ ନୀତିକାନ୍ତି ଓ ଚନ୍ଦ୍ରଭାଗା ବୁଡ କରାଯିବ ବୋଲି କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା ସୂଚନା ପ୍ରଦାନ କରିଛନ୍ତି । ଜିଲ୍ଲା ପ୍ରଶାସନ ଓ ଅନ୍ୟ ବରିଷ୍ଠ ପଦାଧିକାରୀଙ୍କ ସହ ଚନ୍ଦ୍ରଭାଗା ବୁଡ ନେଇ ଆଲୋଚନା ହେବା ପରେ ସେ ଏହା କହିଛନ୍ତି ।
