ମେ’ 7 ପର୍ଯ୍ୟନ୍ତ ଲକ୍ ଡାଉନ୍ର ଅବଧିକୁ ବୃଦ୍ଧି କଲେ ତେଲେଙ୍ଗାନା ସରକାର
ମେ’ 7 ପର୍ଯ୍ୟନ୍ତ ଲକ୍ ଡାଉନ୍ର ଅବଧିକୁ ବୃଦ୍ଧି କଲେ ତେଲେଙ୍ଗାନା ସରକାର
admin
2550
ଦେଶରେ କରୋନା ଭାଇରସର ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଥିବାବେଳେ ତେଲେଙ୍ଗାନା ସରକାର ଏକ ବଡ ନିଷ୍ପତ୍ତି ନେଇଛନ୍ତି । କେନ୍ଦ୍ର ସରକାର ମଇ 3 ପର୍ଯ୍ୟନ୍ତ ଲକ୍ ଡାଉନ୍ ଅବଧିକୁ ବୃଦ୍ଧି କରିଥିବାବେଳେ ତେଲେଙ୍ଗାନା ସରକାର ଏବେ ଏହି ଲକ୍ ଡାଉନ୍ ଅବଧିକୁ ବୃଦ୍ଧି କରିଛନ୍ତି । ତେଲେଙ୍ଗାନା ସରକାର ମେ’ 7 ତାରିଖ ପର୍ଯ୍ୟନ୍ତ ଲକ୍ ଡାଉନ୍ର ଅବଧିକୁ ବୃଦ୍ଧି କରାଇଛନ୍ତି ।
କେସିଆର କହିଛନ୍ତି ଯେ, ତେଲେଙ୍ଗାନାରେ ଲକ୍ ଡାଉନ୍ ଅବଧିକୁ ମେ’ 7 ତାରିଖ ଯାଏଁ ଜାରି ରହିବ । ଏହା ମେ 8 ତାରିଖରେ ଶେଷ ହେବ । ବିଦେଶରୁ ଫେରିଥିବା 64 ଜଣ କରୋନା ପଜିଟିଭ୍ ଚିହ୍ନଟ ହୋଇଥିବାର ତେଲେଙ୍ଗାନା ସରକାର ସୂଚନା ଦେଇଛନ୍ତି । ସେହିପରି ଦିଲ୍ଲୀ ନିମାଜୁଦ୍ଦିନ ସ୍ଥିତ ମରକଜରେ ସାମିଲ୍ ହୋଇଥିବା ଜମାତୀଙ୍କ ଯାତ୍ରା ଇତିହାସ ଉପରେ ଅନୁସନ୍ଧାନ ଚଲାଇଛନ୍ତି ।
ସେହିପରି ତେଲେଙ୍ଗାନା ସରକାର ରାଜ୍ୟରେ ଅନ୍ଲାଇନ୍ ଫୁଡ୍ ସର୍ଭିସ୍କୁ ମଧ୍ୟ ବନ୍ଦ ରଖିଛନ୍ତି। ଅନ୍ ଲାଇନ୍ ଖାଦ୍ୟ ଯୋଗାଣା କାରୀ ସଂସ୍ଥା ଜୋମାଟୋ, ସ୍ବିଗିୀ ଓ ପିଜ୍ଜା ଡେଲିଭରୀ ଆଦିକୁ ପୂରାପୂରି ବନ୍ଦ ରଖିବା ପାଇଁ ନିଷ୍ପତ୍ତି ନେଇଛନ୍ତି । ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର କହିଛନ୍ତି ଯେ, ଯଦି ଆମେ ପିଜ୍ଜା ଖାଇବାନି, ତେବେ ମରି ଯିବା ନାହିଁ । ସେହିପରି ମେ’ 5 ତାରିଖରେ କ୍ୟାବିନେଟ୍ ମିଟିଂରେ ରାଜ୍ୟର ଅବସ୍ଥାକୁ ଦେଖି ବିମାନ ସେବା ଉପରେ ନିଷ୍ପତ୍ତି ନେବେ ବୋଲି କହିଛନ୍ତି କେସିଆର୍ । ସେହିପରି ରାମଜାନ୍ ସମୟରେ ଲକ୍ ଡାଉନ୍ କଟକଣାରେ କିଛି କୋହଳ କରାଯିବ ନାହିଁ । ଏହା କଡା ରୂପେ କାର୍ଯ୍ୟକାରୀ ହେବ ।
ସୂଚନାଯୋଗ୍ୟ, ରାଜ୍ୟରେ ସଂକ୍ରମିତଙ୍କ ସଂଖ୍ୟା 885ରେ ପହଞ୍ଚିଥିବାବେଳେ ମୃତ୍ୟୁସଂଖ୍ୟା 18ରେ ପହଞ୍ଚିଛି ।
