ରାଜ୍ୟରେ ୩ କୋଟି ଲୋକଙ୍କୁ ଦିଆଗଲା କରୋନା ଟିକା
ରାଜ୍ୟରେ ୩ କୋଟି ଲୋକଙ୍କୁ ଦିଆଗଲା କରୋନା ଟିକା
admin
ଭୁବନେଶ୍ୱର: ଦେଶରେ ୧୦୦ କୋଟି ଲୋକଙ୍କୁ କରୋନା ଟିକା ଦିଆଯାଇଥିବା ବେଳେ ରାଜ୍ୟ ମଧ୍ୟ ଆଉ ଏକ ମାଇଲଖୁଣ୍ଟ ଛୁଇଁଛି। ଓଡ଼ିଶାରେ ଏଯାବତ୍ ସାଢ଼େ ୩ କୋଟି କରୋନା ଟିକାର ଡୋଜ୍ ଦିଆଯାଇଛି। ଏ ନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏଥିସହିତ ଟିକାକରଣ ଦିଗରେ ସ୍ୱାସ୍ଥ୍ୟକର୍ମୀଙ୍କ ନିଷ୍ଠା ଓ ପ୍ରତିଶ୍ରୁତିବଦ୍ଧତାକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ । ରାଜ୍ୟରେ କରୋନା ସ୍ଥିତି ନିୟନ୍ତ୍ରଣାରେ ଥିବା ବେଳେ ପାର୍ବଣ ମାସ ଯୋଗୁଁ ସଂକ୍ରମଣ ବଢ଼ିବାର ଆଶଙ୍କା ରହିଛି । ଏଭଳି ସ୍ଥିତିରେ କରୋନା କଟକଣାର କଡ଼ା ପାଳନ ସହ ଟିକାକରଣ ବେଶ୍ ଜରୁରୀ ହୋଇପଡ଼ିଛି । ଏଭଳି ସ୍ଥିତିରେ ରାଜ୍ୟରେ ଚାଲିଥିବା ଦ୍ରୁତ ଟିକାକରଣ କରୋନା ମୁକାବିଲା ଦିଗରେ ରାଜ୍ୟକୁ ବେଶ୍ ସହାୟକ ହେବ ।
ସୂଚନା ଯୋଗ୍ୟ, ଗତ ୨୪ ଘଣ୍ଟା ମଧ୍ୟରେ ୫୫୬ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୧୦୩୫୯୭୩ ରେ ପହଞ୍ଚିଛି । ତେବେ ହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ୩୨୪ ଜଣ କ୍ୱାରେଣ୍ଟାଇନ୍ରୁ ହୋଇଥିବା ବେଳେ ୩୨୨ ଜଣ ଲୋକାଲ୍ କେସ୍ ରହିଛନ୍ତି । ସେହିପରି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ୧୮ ବର୍ଷରୁ କମ୍ ବୟସର ୮୭ ଜଣ ପଜିଟିଭ ରହିଛନ୍ତି।
