ହରିୟାଣାରେ ସଡ଼କ ଦୁର୍ଘଟଣା, ୮ ମୃତ

Oct 23, 2021 - 05:25 Updated: Oct 23, 2021 - 05:25

6551

ଚଣ୍ଡିଗଡ: ହରିୟାଣାର ଝଜ୍ଜର ଜିଲ୍ଲା ବାହାଦୁରଗଡରେ ମର୍ମନ୍ତୁଦ ସଡକ ଦୁର୍ଘଟଣା । କେଏମପି ଏକ୍ସପ୍ରେସ ୱେରେ ୨ଟି ଟ୍ରକ ମଝିରେ ଓଭରଟେକ କରୁଥିବା ସମୟରେ ଦୁର୍ଘଟଣାଗ୍ରସ୍ତ ହୋଇଥିଲା ଏକ କାର୍ । ଏଥିରେ ୮ ଜଣ ପ୍ରାଣ ହରାଇଛନ୍ତି ।

ଦୁର୍ଘଟଣାରେ ଜଣେ ଶିଶୁ ଆହତ ହୋଇଛି । ତେବେ ଆହତ ଶିଶୁକୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ବାହାଦୁରଗଡର ବାଦଲି ଓ ଫରୁଖନଗର ମଝିରେ ଏହି ଦୁର୍ଘଟଣା ଘଟିଛି ।ସୂଚନାନୁସାରେ, କେଏମପି ଏକ୍ସପ୍ରେସୱେ ଦୁର୍ଘଟଣାରେ ପ୍ରାଣ ହରାଇଥିବା ଲୋକମାନେ ୟୁପି ଫିରୋଜାବାଦର ବାସିନ୍ଦା। ଫିରୋଜାବାଦର ନାଙ୍ଗଲା ଅନୁପ ଗାଁର ଏହି ବ୍ୟକ୍ତିମାନେ ଗୋଗା ମେଡିରୁ ଘରକୁ ଫେରୁଥିଲେ। ସମସ୍ତ ମୃତକ ଗୋଟିଏ ପରିବାରର ବୋଲି ଜଣାପଡିଛି । କାରରେ ମୋଟ ୧୧ ଜଣ ଯାତ୍ରା କରୁଥିଲେ ।