ଲକ୍ ଡାଉନ ଉଲ୍ଲଂଘନକାରୀଙ୍କୁ ଦଣ୍ଡ, ୨୪ ଘଣ୍ଟାରେ ୧୪୯ ମାମଲା
ଲକ୍ ଡାଉନ ଉଲ୍ଲଂଘନକାରୀଙ୍କୁ ଦଣ୍ଡ, ୨୪ ଘଣ୍ଟାରେ ୧୪୯ ମାମଲା
admin
1912
ଭୁବନେଶ୍ୱର: ଲକଡାଉନ ଘୋଷଣା ପରେ କଠୋର ହୋଇଛି ରାଜ୍ୟ ପୁଲିସ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିବେଦନ ପରେ ବି ଲୋକେ ଘରେ ନ ରହି ବାହାରେ ବୁଲୁଛନ୍ତି । ଗତ ୨୪ ଘଣ୍ଟା ଭିତରେ ରାଜ୍ୟର ବିଭିନ୍ନ ଅଞ୍ଚଳରେ ଲୋକେ ଆଇନ ଉଲ୍ଲଂଘନ କରିଥିବା ଘଟଣା ନଜରକୁ ଆସିଛି । ଏହାକୁ ନେଇ ରାଜ୍ୟ ପୁଲିସ ପ୍ରଶାସନ ପକ୍ଷରୁ କଡ଼ା ଆଭିମୁଖ୍ୟ ଗ୍ରହଣ କରାଯାଇଛି ।
ରାଜ୍ୟର ବିଭିନ୍ନ ସ୍ଥାନରେ ଲକଡାଉନ ସଂକ୍ରାନ୍ତୀୟ ନିୟମ ଓ ଗାଇଡଲାଇନ ଉଲ୍ଲଂଘନ ଅଭିଯୋଗରେ ୧୩୭ଟି ମାମଲା ରୁଜୁ ହୋଇଛି । ସେହିପରି ବିଦେଶରୁ ଫେରି ସଙ୍ଗରୋଧ ଆଇନ ଉଲ୍ଲଂଘନ କରି ବାହାରେ ଖୋଲାଖୋଲି ବୁଲୁଥିବା ନେଇ ୫ଟି ମାମଲା ରୁଜୁ କରିଛି ପୁଲିସ । କରୋନା ସଂକ୍ରାନ୍ତୀୟ ଅନ୍ୟ ୭ଟି ମାମଲା ରୁଜୁ ହୋଇଛି । ଏହିପରି ଭାବେ ୨୪ ତାରିଖ ସକାଳୁ ୨୫ ତାରିଖ ସକାଳ ମଧ୍ୟରେ ୧୪୯ଟି ମାମଲା ରୁଜୁ ହୋଇଥିବା ରାଜ୍ୟ ପୁଲିସ ମୁଖ୍ୟାଳୟ ସୂତ୍ରରୁ ଜଣାପଡ଼ିଛି । ଆଇନ ଉଲ୍ଲଂଘନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଜାରି ରହିବ ବୋଲି ଜଣେ ବରିଷ୍ଠ ପୁଲିସ ଅଧିକାରୀ ସୂଚନା ଦେଇଛନ୍ତି ।
