ହାଥ୍ରାସ ପୀଡିତା ପରିବାରକୁ ଭେଟିଲେ ସିବିଆଇ ଟିମ୍
ହାଥ୍ରାସ ପୀଡିତା ପରିବାରକୁ ଭେଟିଲେ ସିବିଆଇ ଟିମ୍
admin
3840
ଲକ୍ଷ୍ନୌ :ହାଥ୍ରାସ ଗଣଦୁଷ୍କର୍ମ ପୀଡିତା ପରିବାରକୁ ଦ୍ୱିତୀୟ ଥର ପାଇଁ ଭେଟିଛନ୍ତି ସିବିଆଇ ଦଳ । ମଙ୍ଗଳବାର ଦ୍ୱିତୀୟ ଥର ପାଇଁ ଭେଟିବା ସହିତ ଅପରାଧ ଘଟିଥିବା ଜାଗା ଦେଖିଛନ୍ତି । ପୋଲିସ ପକ୍ଷରୁ ଆଲିଗଡ ଜେଲରେ ରହିଥିବା ୪ ଅଭିଯୁକ୍ତଙ୍କୁ ମଧ୍ୟ ପଚରା ଉଚୁରା କରାଯାଇଥିବା ଜଣାପଡିଛି । ଅଭିଯୁକ୍ତଙ୍କୁ ଜେରା କରାଯାଉଥିବା ସମୟରେ ସିବିଆଇର ଏକ ଟିମ୍ ବୁଲଗଢୀ ଗ୍ରାମକୁ ଆସି ତଦନ୍ତ କରିଥିଲା । ଏହି ମାମଲାରେ ସୋମବାର ସିବିଆଇ ପକ୍ଷରୁ ଜୱାହାର ଲାଲ ନେହେରୁ ମେଡିକାଲ କଲେଜ ଏବଂ ଆଲିଗଡ ମୁସଲିମ ୟୁନିଭର୍ସିଟିରେ ତଦନ୍ତ କରାଯାଇଥିଲା । ଏହି ମାମଲାର ତଦନ୍ତ ପାଇଁ ସିବିଆଇ ପକ୍ଷରୁ ଏକ କ୍ୟାମ୍ପ ଅଫିସ ମଧ୍ୟ ଖୋଲାଯାଇଛି ।
ସେପ୍ଟେମ୍ବର ୧୪ ତାରିଖରେ ୧୯ ବର୍ଷୀୟ ଦଳିତ ଯୁବତୀଙ୍କୁ ୪ ଯୁବକ ଗଣଦୁଷ୍କର୍ମ ପରେ ହତ୍ୟା ଉଦ୍ୟମ କରିଥିବା ଭଳି ସାଂଘାତିକ ଅଭିଯୋଗ ଆସେ । ଯୁବତୀଙ୍କୁ ୱାହାର ଲାଲ ନେହେରୁ ମେଡିକାଲ କଲେଜରେ ପ୍ରାଥମିକ ଚିକିତ୍ସା ପରେ ଦିଲ୍ଳୀର ସଫଦରଜଙ୍ଗ ହସ୍ପିଟାଲକୁ ସ୍ଥାନାନ୍ତର କରାଯାଏ । ୨୯ ତାରିଖରେ ଯୁବତୀଙ୍କ ପ୍ରାଣହାନି ଘଟିଥିବା ବେଳେ ତରବରିଆ ଭାବରେ ପରିବାରକୁ ନ ଜଣାଇ ଅନ୍ତିମ ସଂସ୍କାର କରାଯାଇଥିଲା । ଯୁବତୀଙ୍କୁ ଗଣଦୁଷ୍କର୍ମ କରାଯାଇଥିବା ନେଇ ପରିବାର ଲୋକ ଅଭିଯୋଗ କରିଥିବା ବେଳେ ପରିବାର ଲୋକ ତାଙ୍କୁ ହତ୍ୟା କରିଛନ୍ତି ବୋଲି ଜଣେ ଅଭିଯୁକ୍ତ ବୟାନ ଦେଇଛନ୍ତି ।
