୪ ଦିନରେ ନିବେଶକଙ୍କ ୫.୫୦ ଲକ୍ଷ କୋଟି କ୍ଷତି

Feb 27, 2020 - 07:21 Updated: Feb 27, 2020 - 07:21

4301

ମୁମ୍ବାଇ: କରୋନା ଭୂତାଣୁ ପ୍ରଭାବରେ ବମ୍ବେ ଷ୍ଟକ ବଜାରରେ ଚତୁର୍ଥ ଦିନ ପାଇଁ କାରବାର ମାନ୍ଦା ରହିଛି । ଏହାର ପ୍ରଭାବରେ ସେନସେକ୍ସ ୩୯୨ ପଏଣ୍ଟ ହ୍ରାସ ପାଇ ୩୯,୮୮୮ ପଏଣ୍ଟରେ ବନ୍ଦ ହୋଇଛନ୍ତି । ବିଗତ ଚାରି ଦିନ ଭିତରେ ସେନସେକ୍ସରେ ଘଟିଥିବା ଯୋଗୁଁ ନିବେଶକମାନେ ୫ ଲକ୍ଷ ୫୦ ହଜାର କୋଟି ଟଙ୍କାର କ୍ଷତି ସହିଲେଣି । ଏହି ଚାରି ଦିନରେ ସେନସେକ୍ସରେ ୧୪୦୦ ପଏଣ୍ଟର ହ୍ରାସ ଘଟିଛି । ଚୀନରୁ ସୃଷ୍ଟି ହୋଇଥିବା କରୋନା ଭୂତାଣୁ ଇଟାଲି ଓ ଇରାନରେ ଦ୍ରୁତ ଗତିରେ ବ୍ୟାପୁଛି । ଏହା ମହାମାରିର ରୂପ ନେଇପାରେ ବୋଲି ଆଶଙ୍କା ପ୍ରକାଶ ପାଇଛି । ସେଥିପାଇଁ ନ୍ୟୁୟର୍କ ଠାରୁ ଆରମ୍ଭ କରି ଟୋକିଓ ପର୍ଯ୍ୟନ୍ତ ପ୍ରାୟ ସବୁ ପ୍ରମୁଖ ଦେଶର ଷ୍ଟକ ବଜାରରେ ହଇଚଇ ସୃଷ୍ଟି ହୋଇଛି । ଏହାର ପ୍ରଭାବ ଭାରତୀୟ ଷ୍ଟକ ବଜାର ଉପରେ ମଧ୍ୟ ପଡ଼ିଛି ।