ମମତା ବାନାର୍ଜୀ ସରକାର ପଶ୍ଚିମବଙ୍ଗବାସୀଙ୍କ ଆଶା ଓ ସ୍ୱପ୍ନକୁ ଗୋଇଠା ମାରି ଚାଲିଛନ୍ତି : ମୋଦି
ମମତା ବାନାର୍ଜୀ ସରକାର ପଶ୍ଚିମବଙ୍ଗବାସୀଙ୍କ ଆଶା ଓ ସ୍ୱପ୍ନକୁ ଗୋଇଠା ମାରି ଚାଲିଛନ୍ତି : ମୋଦି
admin
4152
ନୂଆଦିଲ୍ଲୀ: ବିଧାନସଭା ନିର୍ବାଚନରେ ଦଳୀୟ ପ୍ରଚାର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ପଶ୍ଚିମବଙ୍ଗର ବାଙ୍କୁରା ଓ ଆସାମ ବୋକାଖାଟରେ ଶୋଭାଯାତ୍ରା କରିଛନ୍ତି । ବାଙ୍କୁରା ନିର୍ବାଚନ ସଭାରେ ମୋଦି ଶାସକ ତୃଣମୂଳ କଂଗ୍ରେସ (ଟିଏମସି)କୁ ସମାଲୋଚନା କରିଛନ୍ତି । ମୋଦି କହିଛନ୍ତି ଯେ ପଶ୍ଚିମବଙ୍ଗର ବିକାଶ ପାଇଁ ବିଜେପି ନୂଆ ନୂଆ ଯୋଜନା କରୁଥିବା ବେଳେ ଟିଏମସି ଦୁର୍ନୀତି କରିବାରେ ବ୍ୟସ୍ତ । ମମତା ବାନାର୍ଜୀ ସରକାର ପଶ୍ଚିମବଙ୍ଗବାସୀଙ୍କ ଆଶା ଓ ସ୍ୱପ୍ନକୁ ଗୋଇଠା ମାରି ଚାଲିଛନ୍ତି । ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କ ଜନ କଲ୍ୟାଣକାରୀ ଯୋଜନାକୁ ବନ୍ଦ କରିଛନ୍ତି । ରାଜ୍ୟ ସରକାର ବିଭିନ୍ନ ଯୋଜନାର ଅର୍ଥକୁ ଆତ୍ମସାତ ପୂର୍ବକ ଦୁର୍ନୀତି କରିଚାଲିଛନ୍ତି । ବିଜେପି ରାଜ୍ୟରେ ସରକାର ଗଠନ କଲେ ରାଜ୍ୟରୁ ଦୁର୍ନୀତି ହଟାଇବା ସହିତ ବିକାଶ ପଥରେ ଆଗେଇ ନେବ । ପଶ୍ଚିମବଙ୍ଗରେ ଡବଲ ଇଞ୍ଜିନର ବିକାଶକୁ ବିଜେପି ନିଶ୍ଚିତ କରିବ । ଆସାମର ବୋକାଖାଟରେ ବିଜେପି ଶୋଭାଯାତ୍ରାକୁ ସମ୍ବୋଧନ କରି ମୋଦି କହିଛନ୍ତି ଯେ ରାଜ୍ୟର ପୁନର୍ବାର ବିଜେପି କ୍ଷମତା ବଜାୟ ରଖିବ । କଂଗ୍ରେସ ସରକାର ଅମଳରେ ରାଜ୍ୟକୁ ବିକାଶ ପଥରେ ଆଗେଇ ନେଇଛି ।
