ଲୋମଟାଙ୍କୁରା ଘଟଣା : ମଦୁଆ ପୁଅକୁ ଜୀଅନ୍ତା ଜାଳିଦେଲେ
ଲୋମଟାଙ୍କୁରା ଘଟଣା : ମଦୁଆ ପୁଅକୁ ଜୀଅନ୍ତା ଜାଳିଦେଲେ
admin
5807
ଭୁବନେଶ୍ୱର : ପୁଅ ସବୁଦିନ ମଦ ପିଇ ଘରକୁ ଫେରେ । ସମସ୍ତଙ୍କ ଉପରେ ଅତ୍ୟାଚାର କରେ । ଏମିତିକି ସ୍ତ୍ରୀ ବି ଛାଡ଼ି ବାପ ଘରକୁ ପଳାଇବାକୁ ବାଧ୍ୟ ହୋଇଥିଲେ । କିନ୍ତୁ ବାରମ୍ବାର ମଦୁଆ ପୁଅର ଅତ୍ୟାଚାରରେ ପରିବାର ଲୋକେ ଏତେ ଅତିଷ୍ଠ ହୋଇଯାଇଥିଲେଯେ, ପେଟ୍ରୋଲ ପକାଇ ଜୀଅନ୍ତା ଜାଳିବାକୁ ବି ପଛେଇନଥିଲେ । ଅନୁଗୁଳ ଜିଲ୍ଲା ଅନ୍ତର୍ଗତ କିଶୋରନଗର ବ୍ଲକ କଦଳୀମୁଣ୍ଡା ଗାଁରେ ଏଭଳି ଲୋମଟାଙ୍କୁରା ଘଟଣା ଦେଖିବାକୁ ମିଳିଛି ।
ମିଳିଥିବା ସୂଚନା ଅନୁଯାୟୀ, ଅନୁଗୁଳ ଜିଲ୍ଲା ହଣ୍ଡପା ଥାନା କଦଳୀମୁଣ୍ଡା ଗାଁ କେନ୍ଦୁସାହିର ରାଜକିଶୋର ପ୍ରଧାନ ଶ୍ରମିକ ଭାବେ କାର୍ଯ୍ୟ କରନ୍ତି । ଦେଢ଼ବର୍ଷ ତଳେ ସେ ବିବାହ କରିଥିଲେବି ମଦ ପିଇ ଘରେ ଗଣ୍ଡଗୋଳ କରିବାରୁ ସ୍ତ୍ରୀ ବାପଘରକୁ ଚାଲି ଯାଇଥିଲେ । ତଥାପିବି ରାଜକିଶୋର ସୁଧୁରି ନଥିଲେ । ପରିବାରର ଅନ୍ୟ ଲୋକଙ୍କ ସହ ଗଣ୍ଡଗୋଳ କରୁଥିଲେ । ଏଥିରେ ଅତିଷ୍ଠ ହୋଇ ପରିବାର ଲୋକେ ରାଜକିଶୋରକୁ ନିସ୍ତୁକ ମାଡ଼ ମାରିଥିଲେ । ତଥାପି ବି ରାଗ ପଂଚମରେ ଥିଲା । ତେଣୁ ପେଟ୍ରୋଲ ପକାଇ ରାଜକିଶୋର ଦେହରେ ସେମାନେ ନିଅାଁ ଲଗାଇ ଦେଇଥିଲେ । ନିଅାଁ ଲାଗି ଶରୀରର ୮୦% ପୋଡ଼ି ଯାଇଥିବାବେଳେ ଡାକ୍ତରଖାନା ନେବା ବାଟରେ ତାଙ୍କର ମୃତୁ୍ୟ ଘଟିଥିଲା ।
