ରାଜଧାନୀରେ ଅଣାୟତ୍ତ ଡେଙ୍ଗୁ
user2
8855
ଭୁବନେଶ୍ୱର: ରାଜଧାନୀ ଭୁବନେଶ୍ବରରେ ଡେଙ୍ଗୁ ଅଣାୟତ୍ତ ହୋଇ ଚାଲିଛି। ଆଜି ଆଉ ୫ ଅଞ୍ଚଳକୁ ଡେଙ୍ଗୁ ଛୁଇଁଛି। ଏହାକୁ ମିଶାଇ ୧୯୦ ଅଞ୍ଚଳ ଡେଙ୍ଗୁ କବ୍ଜାକୁ ଯାଇଛି। ସେପଟେ ଆଜି ଗୋଟିଏ ଦିନରେ ୨୦୨ ପଜିଟିଭ୍ ଚିହ୍ନଟ ହୋଇଛନ୍ତି । ଭୁବନେଶ୍ୱରେ ଡେଙ୍ଗୁ ନିୟନ୍ତ୍ରଣ ବାହାରକୁ ଗଲାଣି । ସରକାରୀ ଭାବେ ସଂଖ୍ୟା ସାଢେ ୩ ହଜାର ପାର କଲାଣି । ଏହି କ୍ରମରେ ଆଜି ବୁଧେଶ୍ୱରୀ କଲୋନୀ, କଟକରୋଡ, ରାମମନ୍ଦିର ଅଞ୍ଚଳକୁ ଡେଙ୍ଗୁ ଛୁଇଁଛି । ଏହି ଅଞ୍ଚଳ ନୂଆ କରି ତାଲିକାରେ ସାମିଲ ହୋଇଛନ୍ତି ।
କ୍ୟାପିଟାଲ ହସ୍ପିଟାଲ, ନୂଆପଲ୍ଲୀ ଓ ପଟିଆରୁ ୧୧୬୩ ରୋଗୀଙ୍କ ରକ୍ତନମୁନା ସଂଗ୍ରହ କରାଯାଇଥିଲା । ସେଥିରୁ ୨୦୨ ପଜିଟିଭ୍ ଚିହ୍ନଟ ହୋଇଛନ୍ତି । ଅର୍ଥାତ ଟେଷ୍ଟ ପଜିଟିଭ ହାର ୧୭ ପ୍ରତିଶତ ରହିଛି । କେବଳ ସେପ୍ଟେମ୍ବର ମାସ ୧୪ ତାରିଖ ସୁଦ୍ଧା ୧୪୦୦ରୁ ଅଧିକ ରୋଗୀ ଚିହ୍ନଟ ହେଲେଣି । ଡେଙ୍ଗୁରେ ଆକ୍ରାନ୍ତ ହୋଇ କ୍ୟାପିଟାଲ ହସ୍ପିଟାଲରେ ଶହ ଶହ ରୋଗୀ ମୃତ୍ୟୁ ସହ ସଂଗ୍ରାମ କରୁଛନ୍ତି ।
