ଚିକିତ୍ସା ରେ ତ୍ରୁଟି ନେଇ ଯୁବକଙ୍କ ମୃତ୍ୟୁ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଉତ୍ତେଜନା
Arpit Pattnaik
5706
କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଜଣେ ଚିକିତ୍ସାଧୀନ ଯୁବକଙ୍କ ମୃତ୍ୟୁକୁ ନେଇ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଉତ୍ତେଜନା ଦେଖା ଦେଇଛି। ଘଟଣାରୁ ପ୍ରକାଶ ଯେ କେନ୍ଦୁଝର ଟାଉନ ଥାନା ଅନ୍ତର୍ଗତ ନିହାଲ ସିଂ ଛକ ନିକଟରେ ରହୁଥିବା ସୁରେଶ ସ୍ୱାଇଁ ଙ୍କ ପୁତ୍ର ବିକାଶ (୨୪)ବର୍ଷର ଜ୍ୱର ଆସିବାରୁ ପରିବାର ଲୋକ ଜିଲ୍ଲା ମୁଖ୍ୟ ଚିକିତ୍ସାଳୟ ର ପୁରୁଷ ମେଡ଼ିସିନ ୱାର୍ଡରେ ଭର୍ତ୍ତି କରାଯାଇଥିଲା। ସନ୍ଧ୍ୟାରେ ଡାକ୍ତର ପିକେ ମିଶ୍ରଙ୍କ ପରାମର୍ଶ ଅନୁଯାୟୀ ଷ୍ଟାଫ ନର୍ସ ଇଞ୍ଜେକେସନ ଦେବାର ମାତ୍ର କେଇ ମିନିଟ ପରେ ମୃତ୍ୟୁ ହୋଇଛି। ଏହା ପରେ ଶହ ଶହ ଯୁବକ ଓ ମୃତକଙ୍କ ନିକଟ ସମ୍ପର୍କୀୟ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ପହଂଚି ପ୍ରତିବାଦ କରିବା ସହ ମେଡିକାଲ ପରିସରରେ ତୀବ୍ର ଉତ୍ତେଜନା ପ୍ରକାଶ ପାଇଛି। ପୋଲିସ ଫୋର୍ସ ମେଡିକାଲରେ ପହଂଚି ପରିସ୍ଥିତି ଉପରେ ନଜର ରଖିଛନ୍ତି। ଏ ନେଇ ଡାକ୍ତରଖାନା ପକ୍ଷରୁ କାହାରି ପ୍ରତିକ୍ରିଆ ମିଳିପାରିନାହିଁ ।
