ଉତ୍ତରାଖଣ୍ଡ ଚମୋଲିରେ ବନ୍ୟା, ୧୫୦ ନିଖୋଜ
ଉତ୍ତରାଖଣ୍ଡ ଚମୋଲିରେ ବନ୍ୟା, ୧୫୦ ନିଖୋଜ
admin
4837
ଉତ୍ତରାଖଣ୍ଡ: ଉତ୍ତରାଖଣ୍ଡ ଚମୋଲିରେ ଏକ ବଡ଼ ଅଘଟଣ ଘଟିଛି । ୧୫୦ ଜଣ ଭାସିଯାଇ ନିଖୋଜ ହୋଇଯାଇଛନ୍ତି । ହିମସ୍ଖଳନରୁ ବଡ଼ ଧରଣର ବନ୍ୟା ଯୋଗୁ ଅଘଟଣ ଘଟିଛି । ଯୋଶୀମଠରେ ହିମସ୍ଖଳନ ହେବାରୁ ବଡ଼ ଧରଣର ବନ୍ୟା ହୋଇଛି । ଅଳକାନନ୍ଦା ଓ ଧଉଳିଗଙ୍ଗା ନଦୀରେ ଭୟଙ୍କର ବନ୍ୟା ଆସିଛି । ଋଷି ଗଙ୍ଗା ପାୱାର ପ୍ରକଳ୍ପ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ୧୦୦ରୁ ୧୫୦ ଜଣ ଭାସିଯାଇଥିବା ଆଶଙ୍କା କରାଯାଉଛି । ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରାଯାଉଥିବାବେଳେ ଏନଡିଆରଏଫ ଟିମ ଘଟଣାସ୍ଥଳକୁ ଯାଇଛି ।
୨୦୧୪ ପରେ ରବିବାର ବଡ ଧରଣ ଗ୍ଲାସିୟର ବା ବିରାଟକାୟ ହିମଖଣ୍ଡ ଧସିଯିବା କାରଣରୁ ଉତ୍ତରାଖଣ୍ଡରେ ଭୟଙ୍କର ସ୍ଥିତି ସୃଷ୍ଟି ହୋଇଛି। ଚମୋଲି ନନ୍ଦା ଦେବୀ ନ୍ୟାସନାଲ ପାର୍କ ଅନ୍ତର୍ଗତ କୋର ଜୋନ୍ ସ୍ଥିତ ଏହି ଗ୍ଲାସିୟର ଭାଙ୍ଗିଯିବା କାରଣରୁ ରେଣୀ ଗାଁ ପାଖରେ ଥିବା ଋଷି ଗଙ୍ଗା ତପୋବନ ପାଓ୍ବାର ପ୍ରୋଜେକ୍ଟ ବନ୍ଧ ସମ୍ପୂର୍ଣ୍ଣ ଭାଙ୍ଗିଯାଇଛି। ଦୁର୍ଘଟଣା ପରେ ଏହି ପ୍ରୋଜେକ୍ଟରେ କାମ କରୁଥିବା ବହୁ ଶ୍ରମିକ ବୋହିଯାଇଛନ୍ତି। ଚମୋଲି ଦୁର୍ଘଟଣା ପରେ ଉତ୍ତର ପ୍ରଦେଶରେ ହାଇ ଆର୍ଲଟ ଜାରି କରିଦିଆଯାଇଛି। ଏହି ଘଟଣାରେ ଉତ୍ତରାଖଣ୍ଡର ମୁଖ୍ୟ ମନ୍ତ୍ରୀଙ୍କ ସହିତ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଫୋନ ଯୋଗେ କଥା ହୋଇଛନ୍ତି ଓ ସମସ୍ତ ପ୍ରକାର ସହାୟତା ଯୋଗାଇ ଦେବା ପାଇଁ ସ୍ୱରାଷ୍ଟ୍ର ମନ୍ତ୍ରୀ ପ୍ରତିଶୃତି ଦେଇଛନ୍ତି
