ଏହି କାରଣ ପାଇଁ ନମସ୍କାର କଲେ ଟ୍ରମ୍ପ ଓ ୱରାଡକର
ଏହି କାରଣ ପାଇଁ ନମସ୍କାର କଲେ ଟ୍ରମ୍ପ ଓ ୱରାଡକର
admin
2165
କରୋନା ଭାଇରସ ସଂକ୍ରମଣ ଭୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଆୟରର୍ଲାଣ୍ଡର ପ୍ରଧାନମନ୍ତ୍ରୀ ଲିୟୋ ୱରାଡକର ହ୍ୱାଇଟ ହାଉସରେ ‘ନମସ୍ତେ’ କହି ଜଣେ ଅନ୍ୟକୁ ଭାରତୀୟ ପରଂପରାରେ ଅଭିବାଦନ କରିଛନ୍ତି । ସେ କହିଛନ୍ତି, କରୋନା ଭାଇରସ ଯୋଗୁଁ ଏହା ଜରୁରୀ ଅଟେ । ଓଭାଲ ହାଉସରେ ସାମ୍ବାଦିକ ସମ୍ମିଳନୀରେ କହିଥିଲେ ଯେ, ସେମାନେ ଜଣେ ଅନ୍ୟକୁ କେମିତି ଅଭିବାଦନ କରିବେ । ଏହା ପରେ ଟ୍ରମ୍ପ ଓ ଭାରତୀୟ ମୂଳ ନିବାସୀ ୱରାଡକର ହାତ ଯୋଡ଼ି ଜଣେ ଅନ୍ୟକୁ ନମସ୍ତେ କହିଛନ୍ତି ।
ଆମେରିକୀୟ ରାଷ୍ଟ୍ରପତି କହିଥିଲେ, ମୁଁ ନିକଟରେ ଭାରତରୁ ଫେରିଛି ଏବଂ ସେଠାରେ ମୋ ସହ କେହି ବି ହାତ ମିଶାଇ ନଥିଲେ । ଏହା ସହଜ ଥିଲା ଏବଂ ସେଠାରେ ସେମିତି ହିଁ ହୁଏ । ଏଥି ସହିତ ସେ ଦ୍ୱିତୀୟ ଥର ପାଇଁ ନମସ୍ତେ ପାଇଁ ହାତ ଉଠାଇଥିଲେ । ଟ୍ରମ୍ପ ଜାପାନୀ ଶୈଳୀରେ ମଧ୍ୟ ଅଭିବାଦନ କରିଥିଲେ । ବ୍ରାଜିଲର ରାଷ୍ଟ୍ରପତି ଜେୟର ବୋଲସୋନାରୋରଙ୍କ ଗଣଯୋଗାଯୋଗ ମୁଖ୍ୟ ଟ୍ରମ୍ପଙ୍କୁ ଭେଟିଥିଲେ । ପରେ ଜଣାଯାଇଥିଲା ଯେ, ସେ କରୋନା ସଂକ୍ରମିତ ଥିଲେ । ମାତ୍ର ହ୍ୱାଇଟ ହାଉସ ତରଫରୁ କୁହାଯାଇଥିଲା ଯେ, ରାଷ୍ଟ୍ରପତି ଟ୍ରମ୍ପଙ୍କୁ କରୋନା ଭାଇରସର ପରୀକ୍ଷା ଆବଶ୍ୟକ ନାହିଁ ।
