କଂଗ୍ରେସ ଅଧ୍ୟକ୍ଷ ଚୟନ ଲାଗି ପ୍ରକି୍ରୟା ଆରମ୍ଭ!
କଂଗ୍ରେସ ଅଧ୍ୟକ୍ଷ ଚୟନ ଲାଗି ପ୍ରକି୍ରୟା ଆରମ୍ଭ!
admin
1854
ନୂଆଦିଲ୍ଲୀ: ୨୦୧୯ ଲୋକସଭା ନିର୍ବାଚନରେ ଦଳର ଶୋଚନୀୟ ପରାଜୟ ପରେ କଂଗ୍ରେସ ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ ରାହୁଲ ଗାନ୍ଧି । ଏହା ପରେ ସୋନିଆ ଗାନ୍ଧୀ ଦଳର ଅନ୍ତରୀଣ ଅଧ୍ୟକ୍ଷା ହୋଇଥିଲେ । ପ୍ରାୟ ଏକ ବର୍ଷ ପରେ ଏବେ ଦଳରେ ନୂଆ ଅଧ୍ୟକ୍ଷ ଚୟନ ଲାଗି ପ୍ରକି୍ରୟା ଆରମ୍ଭ ହୋଇଛି । ମଧୁସୂଦନ ମିସ୍ତ୍ରୀଙ୍କ ଅଧ୍ୟକ୍ଷତାରେ ଦଳର ନିର୍ବାଚନ କମିଟି ଏହି ପ୍ରସଙ୍ଗରେ ସବୁ ପ୍ରଦେଶ କଂଗ୍ରେସ କମିଟି (ପିସିସି) ସଭାପତି ଓ ବିଭିନ୍ନ ରାଜ୍ୟର ପ୍ରଭାରୀ ଦାୟିତ୍ୱରେ ଥିବା ଦଳର ସାଧାରଣ ସମ୍ପାଦକଙ୍କ ନିକଟକୁ ଚିଠି ଲେଖାଯାଇଛି । ସେଥିରେ ଉଲ୍ଲେଖ କରାଯାଇଛି ଯେ ଖୁବଶୀଘ୍ର ଅଖିଳ ଭାରତ କଂଗ୍ରେସ କମିଟି (ଏଆଇସିସି) ଅଧିବେଶନ ବସିବାକୁ ଯାଉଛି । ସେଥିପାଇଁ ସଦସ୍ୟଙ୍କ ନାମ ତାଲିକା ଚୂଡାନ୍ତ କରାଯିବା ଆବଶ୍ୟକ । ଅଧ୍ୟକ୍ଷ ଚୟନ ଲାଗି ନିର୍ବାଚନ କରାଯିବା ପଡେ଼ ତେବେ କଂଗ୍ରେସର ପ୍ରଚଳିତ ନିୟମ ଅନୁସାରେ କେବଳ ଏଆଇସିସି ସଦସ୍ୟମାନେ ହିଁ ଭୋଟ ଦେଇପାରିବେ । ଏଆଇସିସି ସଦସ୍ୟଙ୍କ ନାମ ଓ ଫଟୋ ସହ ତାଲିକା ପଠାଇବା ଲାଗି ମିସ୍ତ୍ରୀ ସବୁ ରାଜ୍ୟ କମିଟିକୁ କୁହାଯାଇଛି । ରାଜ୍ୟ ସ୍ତରରେ ଏଆଇସିସି ତାଲିକା ସଂଶୋଧନ ପ୍ରକି୍ରୟା ଆରମ୍ଭ ହୋଇଯାଇଛି । ଆସନ୍ତାବର୍ଷ ଜାନୁଆରୀ କିମ୍ବା ଫେବ୍ରୁ୍ରଆରୀରେ ଏଆଇସିସି ଅଧିବେଶନ ବସିବାର ରହିଛି । ପୂର୍ବରୁ ରାଜସ୍ଥାନର ଉଦୟପୁରଠାରେ ଚଳିତ ମାସ ଏପି୍ରଲରେ ଅଧିବେଶନ ବସିବାର ଥିଲା । ମାତ୍ର କରୋନା ମହାମାରୀ ଯୋଗୁଁ ତାକୁ ସ୍ଥଗିତ ରଖାଯାଇଥିଲା । ବିଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ ଅଧିବେଶନ ପୂର୍ବରୁ ରାହୁଲଙ୍କୁ ଦଳର ଅଧ୍ୟକ୍ଷ କରିବା ଲାଗି ସହମତି ଆଣିବାକୁ ଯୋଜନା କରାଯାଉଛି । ମାତ୍ର ରାହୁଲ ବିହାର ବିଧାନସଭା ନିର୍ବାଚନ ଫଳାଫଳ ପର୍ଯ୍ୟନ୍ତ ଅପେକ୍ଷା କରିବାକୁ କହିଛନ୍ତି । ଯଦି ରାହୁଲ ଦଳର ଅଧ୍ୟକ୍ଷ ନ ହୁଅନ୍ତି ତେବେ ନିର୍ବାଚନ ହେବ । କାରଣ ଦଳର ଅଧ୍ୟକ୍ଷ ପଦ ଲାଗି ଅନେକ ଦାବିଦାର ଅଛନ୍ତି । କିଛି ଦିନ ତଳେ ଗୁଲାମନବୀ ଆଜାଦ ଓ ମନିଷ ତିୱାରୀ ଭଳି ଦଳର ୨୩ ଜଣ ବରିଷ୍ଠ ନେତା ସୋନିଆଙ୍କ ନିକଟକୁ ଚିଠି ଲେଖି ଅଧ୍ୟକ୍ଷ ନିର୍ବାଚନ ସହ ସଂଗଠନରେ ଆମୁଳ ଚୂଳ ପରିବର୍ତ୍ତନ ଲାଗି ପ୍ରସ୍ତାବ ଦେଇଥିଲେ ।
