କରୋନା ସଚେତନତା: ସଭା ସମିତି ରଦ୍ଦ କଲା କମିଶନରେଟ ପୋଲିସ ।
କରୋନା ସଚେତନତା: ସଭା ସମିତି ରଦ୍ଦ କଲା କମିଶନରେଟ ପୋଲିସ ।
admin
5689
କରୋନାକୁ ନେଇ ରାଜ୍ୟ ସରକାର ବଡ ବିପର୍ଯ୍ୟୟ ଘୋଷଣା କରିବା ପରେ ଏବେ ତତ୍ପର ହୋଇଛି ସବୁ ବିଭାଗ । ସ୍ୱାସ୍ଥ୍ୟ ବିଭାଗ ଠାରୁ ଆରମ୍ଭ କରି ଶିକ୍ଷା ବିଭାଗ ଯାଏଁ ସମସ୍ତେ ଭାଇରସ୍ ମୁକାବିଲା କରିବା ପାଇଁ ଅଂଟା ଭିଡିଛନ୍ତି । ତେବେ ଏତିକି ବେଳେ କୌଣସି ବି ସ୍ଥାନରେ ସଭାସମିତି ନକରିବାକୁ ପରାମର୍ଶ ଦିଆଯାଇଥିବା ବେଳେ ପଦକ୍ଷେପ ନେଇଛି କମିଶନରେଟ ପୋଲିସ । ଗାନ୍ଧୀ ମାର୍ଗରେ ହେଉଥିବା ସମସ୍ତ ଧାରଣାକୁ ବନ୍ଦ କରିଛି ପୋଲିସ । ଧାରଣାରେ ନ ବସିବାକୁ ସାଧାରଣ ଲୋକଙ୍କୁ ଅନୁରୋଧ କଲେ ପୋଲିସ କମିଶନର ।
ତେବେ ପୋଲିସ ବାରାକ ନେଇ ମଧ୍ୟ ସୂଚନା ଦେଇଛନ୍ତି ସିପି । ବାରାକକୁ ନେଇ ଆମେ ସଚେତନ ଅଛୁ । କୌଣସି କର୍ମଚାରୀଙ୍କ ଦେହ ଯଦ ଖରାପ ହୁଏ ତେବେ ସଙ୍ଗେ ସଙ୍ଗେ ତାଙ୍କୁ ଛୁଟି ଦିଆଯିବ । ସେପଟେ ସିନେମା ହଲ, ସୁଇମିଙ୍ଗ ପୁଲ ବନ୍ଦ ନିର୍ଦ୍ଦେଶ ପରେ ସେସବୁ ସ୍ଥାନରେ ପହଞ୍ଚିଛି ପୋଲିସ ।
ତେବେ ଆଜି ରାଜ୍ୟ ସରକାର କରୋନାକୁ ବିପର୍ୟ୍ୟୟ ଘୋଷଣା କରିଛନ୍ତି । କରୋନା ମୁକାବିଲା ପାଇଁ ରାଜ୍ୟରେ ବର୍ତମାନ ବନ୍ଦ ରହିବ ଶିକ୍ଷାନୁଷ୍ଠାନ । ଶିକ୍ଷାନୁଷ୍ଠାନ ବନ୍ଦ ରହିଲେ ମଧ୍ୟ ଛାତ୍ରଛାତ୍ରୀଙ୍କ ପରୀକ୍ଷା ଜାରି ରହିବ ବୋଲି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀ କହିଛନ୍ତି ଗତ ୪୫ ଦିନ ହେଲା କରୋନା ଭାଇରସ୍ ଭୟ ବିଶ୍ୱକୁ ଗୁରୁତର ଭାବେ ପ୍ରଭାବିତ କଲାଣି । କୌଣସି ଉପଚାର ଓ ଔଷଧ ନଥିବାରୁ କେବଳ ସଚେତନତା ହିଁ ଆମକୁ ରକ୍ଷା କରିପାରିବ ।
