ଦଙ୍ଗଲ, ଦବଙ୍ଗର ରେକର୍ଡ ଭାଙ୍ଗିଲା ତାନାଜୀ, ୨୪ ଦିନରେ ବକ୍ସ ଅଫିସରେ ୨୫୦ କୋଟି ଆୟ
ଦଙ୍ଗଲ, ଦବଙ୍ଗର ରେକର୍ଡ ଭାଙ୍ଗିଲା ତାନାଜୀ, ୨୪ ଦିନରେ ବକ୍ସ ଅଫିସରେ ୨୫୦ କୋଟି ଆୟ
admin
5331
ଜାନୁଆରୀ ୧୦ ରେ ମୁକ୍ତିଲାଭ କରିଥିବା ଅଜୟ ଦେବଗନଙ୍କ ଅଭିନୀତ ଚଳଚ୍ଚିତ୍ର ‘ତାନାଜୀ’ ବକ୍ସ ଅଫିସରେ ନୂଆ ରେକର୍ଡ ସୃଷ୍ଟି କରିଛି । ମାତ୍ର ୨୪ ଦିନରେ ଚଳଚ୍ଚିତ୍ରଟି ବକ୍ସ ଅଫିସରେ ୨୫୦ କୋଟି ଆୟ କରିସାରିଛି । ସୂଚନା ଅନୁଯାୟୀ କେବଳ ମହାରାଷ୍ଟ୍ରରେ ଚଳଚ୍ଚିତ୍ରଟି ବର୍ତ୍ତମାନ ସୁଦ୍ଧା ୧୩୦.୧୫ କୋଟି ଆୟ କରିଛି । ଏହି କ୍ରମରେ ଅମିର ଖାନଙ୍କ ଅଭିନୀତ ଫିଲ୍ମ ଦଙ୍ଗଲର ରେକର୍ଡକୁ ଭାଙ୍ଗିଛି ‘ତାନାଜୀ’ । ‘ଦଙ୍ଗଳ’ ମହାରାଷ୍ଟ୍ରରେ ୧୦୪ କୋଟି ଆୟ କରିଥିଲା । ସେହିପରି ତାନାଜୀ’ ମୁମ୍ବାଇରୁ ଆୟ ସଲମାନ ଖାନଙ୍କ ଅଭିନୀତ ଫିଲ୍ମ ‘ଦବଙ୍ଗ-୩କ୍ଷର ସମୁଦାୟ ଦେଶ ଭିତରର ଆୟକୁ ଅତିକ୍ରମ କରିଛି । ମୁକ୍ତିଲାଭ ହେବାର ଚତୁର୍ଥ ସପ୍ତାହ ଚାଲିଥିବା ବେଳେ କେବଳ ଭାରତରେ ବର୍ତ୍ତମାନ ସୁଦ୍ଧା ୨୫୩.୭୨ କୋଟି ଆୟ କରିସାରିଛି ‘ତାନାଜୀ’ । ଫଳରେ ଏହି ଚଳଚ୍ଚିତ୍ରଟି ଅଜୟଙ୍କ ସର୍ବାଧିକ ଆୟ କରିଥିବା ଚଳଚ୍ଚିତ୍ର ହୋଇଛି । ପୂର୍ବରୁ ଅଜୟଙ୍କ ଅଭିନୀତ ଗୋଲମାଲ ଏଗେନ ସର୍ବାଧିକ ୨୦୫.୫୦ କୋଟି ଆୟ କରିଥିଲା । ଏହି ଫିଲ୍ମ ୨୦୧୯ର ସାହିଦ କପୁରଙ୍କ ଅଭିନୀତ ଫିଲ୍ମ କବୀର ସିଂହକୁ ବି ପଛରେ ପକାଇ ଦେଇଛି ।
